Klimaaktivistinnen an -aktiviste vun der däitscher Organisatioun “Letzte Generation” peche sech reegelméisseg op Stroosse fest, fir mediewierksam géint d’Ëmweltpolitik vun der däitscher Regierung ze protestéieren.
24 Jan: Faktencheck: Gouf a Malaysia en Dokter higeriicht, well e Covid-Vaccin déidlech Suitten hat?
E Video, dee weltwäit op de sozialen Netzwierker zirkuléiert, weist déi amerikanesch Doktesch Betsy Eads, déi fälschlecherweis behaapt, Malaysia hätt en Dokter wéinst “Doutmaache vun engem Patient” mat engem Covid-19-Impfstoff higeriicht.
Eng gefälscht Infographik vun der BBC, déi an de sozialen Netzwierker verbreet gouf, soll d’Entwécklung vum Patrimoine vum President Wolodymyr Selenskyj a vun anere prominenten ukrainesche Politiker tëscht Februar an Dezember 2022 weisen.
Vill Leit gënne sech nom Sport oder no engem ustrengenden Dag eng Fläsch Béier. A grousse Quantitéiten ass Béier, an Alkohol insgesamt, e Risikofacteur fir neurologesch Krankheeten. Och wann eng Rei Internetsäite Béier als Léisung fir d’Alzheimer-Krankheet priedegen, ass deem net esou.
Op de Studentebaler hätt et eng Partie Virfäll mat KO-Drëpse ginn, dat eppes, wat RTL zougedroe gouf an ënnert Jonken den Ament vill diskutéiert gëtt. Rieds ass vum “Zürcher Bal” a vun der Silvesterparty an der Luxexpo.
No der Decouverte vum Massaker vu Butscha am Abrëll huet d’Ljudmila Denisova, déi deemoleg Mënscherechtskommissärin am ukrainesche Parlament, eng Rei Fäll vu Vergewaltegungen denoncéiert. Säit Juni 2022 behaapte Publikatiounen an de sozialen Netzwierker, déi säit Enn Dezember nees opgedaucht sinn, d’Madamm Denisova hätt an engem Interview zouginn, “iwwer russesch Vergewaltegunge vu Kanner gelunn ze hunn”. Awer hir Äusserunge goufen aus dem Kontext gerappt; si huet d’Uschëllegungen am Interview bekräftegt.
Am Dezember huet Argentinien sech säin drëtte Weltmeeschtertitel am Futtball geséchert. E puer Deeg duerno gouf an de sozialen Netzwierker behaapt, datt an Argentinien, zu Éiere vun dësem Evenement, Billjeeë mat de Gesiichter vu Spiller gedréckt sollte ginn. D’Bild, dat am Ëmlaf war, war just eng Éierung vun engem Kënschtler.
Den eemolege Kickboxer an ëmstriddenen Influencer Andrew Tate ass den 29. Dezember 2022 wéinst Virwërf vu Mënschenhandel, Vergewaltegung a Grënnung vun enger krimineller Vereenegung a Rumänien festgeholl ginn.
Am Kontext vun der Energiekris a wärend d’Fransousen ermontert ginn, Energie ze spueren, gouf op Facebook e Video vun iwwer 54.000 franséischsproochegen Notzer gedeelt, dee behaapt, en “Trick” ze weisen, wéi ee Batterien onendlech laang “opluede” kéint, andeem ee se a kachend Waasser daucht.
De Weltwirtschaftsforum (WEF) ass ëmmer nees Zil vu Konspiratiounen a Falschinformatiounen. Mëtt Dezember 2022 huet sech am Internet eng Behaaptung verbreet, de WEF wéilt Hauskazen an Hënn schluechten, fir esou de Klimawandel ze bekämpfen. Dat sollen och e puer Medie matgedeelt hunn. Tatsächlech ass awer keng esou Fuerderung ze fannen, weder an de Publikatioune vum WEF, nach a Medieberichter. E Spriecher vum WEF huet d’Behaaptung géintiwwer der AFP och zeréckgewisen.