Dir gesitt am Moment d'Websäit a Sprooch LB. Fir zousätzlech Faktenchecken an Inhalter, déi zu anere Gemeinschafte betreffen, benotzt w.e.g. d'Fändelikonen fir Sproochen ze wiesselen.

Eis Approche

Desinformatioun permanent iwwerwaachen

Mir ginn haut mat Informatiounen iwwerschwemmt. An et ass net ëmmer einfach ze wëssen, wat richteg oder falsch ass. Heefeg a geféierlech dubiéis Informatiounen gi vu Fakteniwwerpréiwer analyséiert a verifizéiert, awer d’Iwwerschwemmung vu falsche Messagë mécht et onméiglech, sech alleng op Fakteniwwerpréiwung ze verloossen.

Wa mir Desinformatioun bekämpfe wëllen, musse mir eis och op d’Mediekompetenz konzentréieren: d’Fäegkeet, op all d’Medien a Kommunikatiounsformen zouzegräifen, se ze bewäerten, ze analyséieren, op där Basus ze kreéieren an ze handelen.

Dowéinst wëll EDMO BELUX an der Mediekompetenz d’Akteuren um Terrain (Enseignanten, Jugendaarbechter, Bibliothekären, …) dobäi ënnerstëtzen, dës an hirer eegener Praxis besser ëmzesetzen an ze stäerken.

Zu dësem Zweck:

  • huet EDMO BELUX en Toolkit fir Fakteniwwerpréiwung kreéiert: Eng Rei vu Léiervideoen, déi en Iwwerbléck iwwer verschidde grondleeënd Methoden vun der Fakteniwwerpréiwung ginn. An der haiteger Online-Welt ass et essentiell, dass jidderee weess, wéi een d’Authentizitéit vu Biller, Videoen a Social-Media-Posts iwwerpréiwe kann.
  • EDMO BELUX wäert an der Belsch an zu Lëtzebuerg dat existéierend Schoul- a Formatiounsmaterial sammelen an analyséieren. Déi villverspriechenst Praktike ginn op dëser Websäit virgestallt.
  • EDMO BELUX wäert och verschidde lokal an international Formatiounen organiséieren.
  • EDMO BELUX wäert Mediekompetenzkampagnen duerchféieren, fir d’Reflexer vun der Ëffentlechkeet vis-à-vis vun Desinformatioun ze stäerken.