{"id":190564,"date":"2022-11-07T04:00:03","date_gmt":"2022-11-07T04:00:03","guid":{"rendered":"https:\/\/belux.edmo.eu\/?p=190564"},"modified":"2022-11-08T10:28:30","modified_gmt":"2022-11-08T10:28:30","slug":"faktencheck-knnen-dcdc-anti-covid-vaccinatiounen-an-den-usa-obligieren","status":"publish","type":"post","link":"https:\/\/belux.edmo.eu\/lb\/faktencheck-knnen-dcdc-anti-covid-vaccinatiounen-an-den-usa-obligieren\/","title":{"rendered":"Faktencheck: K\u00ebnnen d’CDC Anti-Covid-Vaccinatiounen an den USA oblig\u00e9ieren?"},"content":{"rendered":"
\n
\n
\n

 <\/p>\n<\/div>\n

\n

An engem Video huet den Tucker Carlson, e bekannte Moderator op Fox News, den 19. Oktober behaapt, dass d\u00e9i amerikanesch Gesondheetsagence (CDC) de Vaccin g\u00e9int Covid-19 fir Schoulkanner obligatoresch gemaach huet.<\/p>\n

“D’CDC ass um Punkt, fir d’Impfung g\u00e9int Covid op d’Agenda vun de Kanner ze setzen, wat d’Impfung fir Kanner, d\u00e9i an d’Schoul ginn, obligatoresch maache g\u00e9if”, behaapten eng Rei Internetuser a B\u00e4itr\u00e4g, d\u00e9i zu Dausenden op Twitter a Facebook (1<\/a>, 2<\/a>, 3<\/a>) gemaach goufen.<\/p>\n

Alleguer st\u00ebtze sech op d’Ausso vum Tucker Carlson<\/a>, engem bekannte Moderator vun der amerikanescher Noriichtecha\u00eene Fox News, deen dofir bekannt ass, Komplotter a Falschaussoen ze verbreeden<\/a>.<\/p>\n

\"RTL\" Capture d&#039;\u00e9cran d&#039;une publication Twitter r\u00e9alis\u00e9e le 24 octobre 2022<\/p>\n

\"RTL\" Capture d&#039;\u00e9cran d&#039;une publication Twitter r\u00e9alis\u00e9e le 24 octobre 2022<\/p>\n

D\u00ebs Behaaptung ass awer ierf\u00e9ierend. Eng Impfung obligatoresch ze maachen, ass d’Saach vun de Bundesstaaten an net vun der CDC.<\/p>\n

Den Tucker Carlson sot d\u00ebs Lige kuerz virun der S\u00ebtzung vum Comit\u00e9 consultatif fir Impfpraktiken<\/a> (ACIP) vun de CDC, den Zentre fir d’Bek\u00e4mpfung an d’Preventioun viru Krankheeten, d\u00e9i den 19. an 20. Oktober stattfonnt huet. En Deel vun der Dagesuerdnung vun d\u00ebser S\u00ebtzung goung iwwer d’Ophuele vu Covid-19-Impfstoffer an de recommand\u00e9ierten Impfplang nieft Impfstoffer g\u00e9int Polio, Waasserpouken an Hepatitis.<\/p>\n

De selwechten Dag huet d’CDC iwwer hiren Twitter-Account<\/a> op d’Aussoe vum Moderator reag\u00e9iert, fir seng Ausso ze widderlee\u00ebn: “En Donneschdeg w\u00e4ert den onofh\u00e4ngege Comit\u00e9 consultatif vun de CDC (ACIP) iwwer d’Aktualis\u00e9ierung vum Impfplang fir Kanner decid\u00e9ieren. D’Ufuerderunge fir den Impfstoff fir Sch\u00fcler gi vun de Bundesstaate festgeluecht, net vum ACIP oder de CDC.”<\/p>\n

Thursday, CDC’s independent advisory committee (ACIP) will vote on an updated childhood immunization schedule. States establish vaccine requirements for school children, not ACIP or CDC. More: https:\/\/t.co\/w80hpKCvtt<\/a>. https:\/\/t.co\/xSMZfihtm9<\/a><\/p>\n

\u2014 CDC (@CDCgov) October 19, 2022<\/a><\/p><\/blockquote>\n