{"id":226245,"date":"2023-01-17T11:00:23","date_gmt":"2023-01-17T11:00:23","guid":{"rendered":"https:\/\/belux.edmo.eu\/?p=226245"},"modified":"2023-01-24T09:36:57","modified_gmt":"2023-01-24T09:36:57","slug":"rtl-faktencheck-ko-drpsen-op-studentebaler","status":"publish","type":"post","link":"https:\/\/belux.edmo.eu\/lb\/rtl-faktencheck-ko-drpsen-op-studentebaler\/","title":{"rendered":"RTL-Faktencheck: KO-Dr\u00ebpsen op Studentebaler?"},"content":{"rendered":"
\n
\n
\n

 <\/p>\n<\/div>\n

\n

Op de Studentebaler h\u00e4tt et eng Partie Virf\u00e4ll mat KO-Dr\u00ebpse ginn, dat eppes, wat RTL zougedroe gouf an \u00ebnnert Jonken den Ament vill diskut\u00e9iert g\u00ebtt. Rieds ass vum “Z\u00fcrcher Bal” a vun der Silvesterparty an der Luxexpo.<\/p>\n

Mir hu beim CGDIS, der Police an de Spideeler nogefrot, ob et Virf\u00e4ll ronder\u00ebm d’Feierdeeg gouf an ob esou F\u00e4ll op Studentebaler konnten nogewise ginn.<\/p>\n

Wat seet d’Police?<\/strong><\/p>\n

D’Police gouf an der Nuecht op de 26. Dezember kuerz virun 3 Auer op en Asaz geruff. E puer Persoune\u00a0gouf et schlecht, d\u00ebs hunn uginn, se h\u00e4tte m\u00e9iglecherweis KO-Dr\u00ebpsen an d’Glas gemaach krut. D’Policebeamten h\u00e4tten d’Persounen drop sensibilis\u00e9iert, datt se sech an d\u00ebsem Fall sollen an der Klinik op d\u00e9i entspriechend Substanzen teste loossen, an am Fall, wou eppes fonnt gi wier, bei der Police eng Plainte f\u00e9ieren.<\/p>\n

Och an der Silvesternuecht war d’Police bei der Luxexpo am Asaz, dat awer am Kader vun enger\u00a0Kontroll.<\/p>\n

Bis elo konnt d’Police eis net matdeelen, ob eng Plainte depos\u00e9iert ass oder net.<\/p>\n

Wat soen d’Spideeler?<\/p>\n

Um Owend vum “Z\u00fcrcher Bal” hat den CHL D\u00e9ngscht. RTL-Informatiounen\u00a0no konnt a kengem Fall den Asaz vu KO-Dr\u00ebpsen\u00a0nogewise ginn. D\u00e9i jonk Patiente\u00a0wieren allerd\u00e9ngs\u00a0all h\u00e9ich\u00a0alkoholis\u00e9iert\u00a0gewiescht, et wiere virun allem jonk Frae gewiescht.<\/p>\n

Den Dr. Emile Bock, Directeur Medical vun den Urgenc\u00eb\u00a0vun den HRS, sot RTL g\u00e9intiwwer, datt op Silvester eng 20 bis 25 jonk Fraen an den Urgence waren, d\u00e9i\u00a0deen Owend op engem Bal gefeiert hunn. Bei all d\u00ebse\u00a0wier ee ganz h\u00e9ijen Alkoholtaux\u00a0nogewise ginn, Rieds geet vun Tauxe vun 2 bis 3 Promill.<\/p>\n

Wat seet den CGDIS?<\/p>\n

De 25. Dezember hat den CGDIS een Asaz, wou et e Verdacht gouf, datt enger Persoun eng Substanz an d’Glas gemaach gouf.<\/p>\n

Op Silvester gouf et 6 As\u00e4tz w\u00e9inst\u00a0Alkohol, Drogen oder enger Substanz am Glas. All d’Persounen hunn allerd\u00e9ngs\u00a0en Transport an d’Spidol refus\u00e9iert, soudatt net konnt festgestallt ginn, ob illegal Stoffer am Spill waren.<\/p>\n

Komme sou F\u00e4ll m\u00e9i heefeg vir?<\/strong><\/p>\n

Konkret Zuelen zu Virf\u00e4ll mat KO-Dr\u00ebpsen\u00a0huet d’Police net. Et k\u00e9int\u00a0een deemno keng konkret Ausso doriwwer maachen, ob et m\u00e9i heefeg virk\u00ebnnt. Dob\u00e4i kennt, datt esou Substanzen\u00a0n\u00ebmme schw\u00e9ier\u00a0noweisbar sinn, verschidde Stoffer k\u00ebnnen am Blutt an Urin n\u00ebmme\u00a0w\u00e4rend e puer Stonnen\u00a0nogewise ginn.<\/p>\n

No zwee Baler zu Helzen an zu R\u00e9iden goufe\u00a07 Plaint\u00eb gemaach, RTL hat deemools\u00a0doriwwer bericht:<\/p>\n

https:\/\/www.rtl.lu\/news\/national\/a\/1995886.html<\/a><\/p>\n

https:\/\/www.rtl.lu\/news\/national\/a\/1987870.html<\/a><\/p>\n

RTL-MAGAZIN: K.O.-Dr\u00ebpsen Drogekonsum: “GHB ass d\u00ebst Joer m\u00e9i opf\u00e4lleg hei am Land” <\/a><\/p>\n

 <\/p>\n

Hei g\u00e9ifen d\u2018Erm\u00ebttlungen\u00a0nach \u00ebmmer\u00a0lafen, esou eng Spriecherin vun der Police op Nofro.<\/p>\n

Wei soll ee bei engem Verdachtsfall reag\u00e9ieren?<\/strong><\/p>\n

Den Dr. Emile Bock vun den HRS sot, datt een net k\u00e9int\u00a0definitiv ausschl\u00e9issen, datt vereenzelt Persounen och eppes an d’Glas gemaach kruten. Allerd\u00e9ngs\u00a0wier et eng Fro vun der Probabilit\u00e9it. Als gudde Rot k\u00e9int een\u00a0n\u00ebmme\u00a0mat\u00a0op de Wee ginn, datt, wann een dobaussen \u00ebnnerwee\u00a0ass, een op s\u00e4i Gedr\u00e9nks\u00a0oppasst.<\/p>\n

De CGDIS sot, datt ee komplette Screening n\u00ebmmen de Laboratoire national de Sant\u00e9 (LNS) k\u00e9int maachen, fir s\u00e9cher\u00a0ze goen, datt eng Drog am Spill war.<\/p>\n

D’Police r\u00e9it, datt ee bei engem Verdachtsfall s\u00e9ier reag\u00e9iert\u00a0an d\u00e9i\u00a0n\u00e9ideg\u00a0Analysen\u00a0duerchf\u00e9iere l\u00e9isst. Wichteg wier et dann och, Plainte ze maachen, datt d’Police k\u00e9int aktiv ginn an eng Enqu\u00eate\u00a0opgemaach ginn.<\/p>\n

https:\/\/police.public.lu\/de\/prevention\/vols\/gouttes-ko.html<\/a><\/p>\n

Links<\/p>\n