{"id":235976,"date":"2023-02-02T07:30:46","date_gmt":"2023-02-02T07:30:46","guid":{"rendered":"https:\/\/belux.edmo.eu\/?p=235976"},"modified":"2023-02-02T14:34:13","modified_gmt":"2023-02-02T14:34:13","slug":"rtl-faktencheck-war-wierklech-een-elektro-auto-schold-um-feier-am-parking-rousegertchen","status":"publish","type":"post","link":"https:\/\/belux.edmo.eu\/lb\/rtl-faktencheck-war-wierklech-een-elektro-auto-schold-um-feier-am-parking-rousegertchen\/","title":{"rendered":"RTL-Faktencheck: War wierklech een Elektro-Auto Schold um Feier am Parking Rouseg\u00e4ertchen?"},"content":{"rendered":"
\n
\n
\n

\u00a9 RTL Mobile Reporter \/ RTL-Grafik<\/b><\/p>\n<\/div>\n

\n

Den 9. September 2019. Am \u00ebnnerierdesche Parking Rouseg\u00e4ertchen an der Stad br\u00e9cht e Feier aus, f\u00ebnnef Autoe gi beschiedegt. An den Deeg a Wochen drop leeft d’Rumeursmaschinn op H\u00e9ichtouren – een elektreschen Auto soll Schold um Feier gewiescht sinn. M\u00e4 st\u00ebmmt dat wierklech?<\/p>\n

Et ass e Ger\u00fccht, dat sech och iwwer dr\u00e4i Joer m\u00e9i sp\u00e9it nach fest an de K\u00e4pp vun de Leit h\u00e4lt. Esou huet et nach M\u00ebtt Januar 2023 an engem Lieserbr\u00e9if an enger grousser L\u00ebtzebuergescher Dageszeitung geheescht: “Il est connu que la voiture qui a br\u00fbl\u00e9 au Rouseg\u00e4ertchen \u00e9tait une voiture \u00e9lectrique. Officiellement cela n’a jamais \u00e9t\u00e9 dit. C’est la raison pour laquelle tout le parking a d\u00fb \u00eatre \u00e9vacu\u00e9, et il reste ferm\u00e9 depuis.”
\n<\/em>
\nM\u00e4 wat ass un d\u00e4r Rumeur wierklech drun? War een Auto mat Elektro-Motor schold um Feier?<\/p>\n

D’\u00c4ntwert op d\u00ebs Fro ass ganz kloer: Nee. “Fakt ass, datt am Parking keen E-Auto involv\u00e9iert war”, esou de C\u00e9dric Gantzer vun der Generaldirektioun vum CGDIS.<\/p>\n

Keen E-Auto, mee ee Maserati<\/p>\n

Schonn e puer Deeg nom Feier am Parking Martyrs, w\u00e9i de “Rouseg\u00e4ertchen” offiziell heescht, gouf d’Rumeur vum Elektroauto vun der Stad L\u00ebtzebuerg op enger Pressekonferenz dement\u00e9iert. \u00cbnnert de v\u00e9ier Autoen, d\u00e9i komplett ofgebrannt sinn, wier keen E-Auto gewiescht.<\/p>\n

Op Nofro konnte mir vun der Stad L\u00ebtzebuerg elo weider Detailer iwwert de Won kr\u00e9ien, vun deem d’Feier deemools tats\u00e4chlech ausgaangen ass. Schold war och der Stad L\u00ebtzebuerg no definitiv keen E-Auto, mee een Diesel-Verbrenner vun der Mark Maserati.<\/p>\n

2019 hat Maserati nach keen Elektro-Auto um March\u00e9. Deen \u00e9ischten E-Auto vun der italieenescher Luxus-Mark, de GranTurismo Folgore, k\u00ebnnt er\u00e9ischt d\u00ebst Joer an d’Autoshaiser.<\/p>\n

Detailer dozou, w\u00e9i et zum Feier koum, k\u00e9int een den Ament nach net soen, well d’Prozedur um juristeschen Niveau nach net ofgeschloss wier, deelt d’Stad mat.<\/p>\n

Parking Rouseg\u00e4ertchen g\u00ebtt wuel er\u00e9ischt Enn 2024 f\u00e4erdeg<\/p>\n

D’San\u00e9ierungsaarbechten um Parking Rouseg\u00e4ertchen hunn der Stad L\u00ebtzebuerg no den 23. Januar ugefaangen. Virdru war d\u00e9i al Haustechnik demont\u00e9iert ginn.<\/p>\n

Dat urspr\u00e9nglecht Zil, de Parking Martyrs Ufank 2024 nees opzemaachen, k\u00e9int net agehale ginn, “well d’Viraarbechte\u00a0fir de\u00a0Brandschued ze behiewen sech w\u00e9inst Liwwerschwieregkeete bei de virgespaante\u00a0Betonstr\u00e4ger verz\u00f6gert hunn”.<\/em><\/p>\n

Ee Grond dofir, datt d’Feier 2019 esou vill Schued uriichte konnt, war, datt et um -1 an engem vun den eelste Parkingen zu L\u00ebtzebuerg keng\u00a0Sprinkleranlag gouf. D\u00ebst w\u00e4ert sech mat der Renovatioun awer elo \u00e4nneren: “Zur Branderkennung a\u00a0Bek\u00e4mpfung g\u00ebtt een neie fl\u00e4chendeckende\u00a0Brandmeldesystem install\u00e9iert, w\u00e9i och eng nei Sprinkleranlag\/RIA (robinets d\u2019incendie arm\u00e9s) a\u00a0Feierl\u00e4scher. De Compartimentage an d\u2019Installatiounen am Parking erf\u00ebllen zuk\u00fcnfteg d\u00e9i leschten Normen”<\/em>, heescht et vun der Stad L\u00ebtzebuerg.<\/p>\n

Um Eck vun der Avenue de la Libert\u00e9<\/em> mat der Rue du Pl\u00e9biscite<\/em> g\u00ebtt iwwerdeems een neien Acc\u00e8s gebaut, iwwert deen och Leit mat V\u00ebloen oder mam Rollstull ouni Problem an de Parking komme k\u00ebnnen. Bannenan g\u00ebtt an Zukunft dann och ugewisen, w\u00e9i eng Parkplaze scho besat sinn, an et g\u00ebtt eng automatesch Nummeresch\u00ebld-Erkennung beim eran- an erausfueren.<\/p>\n

Feier um Rouseg\u00e4ertchen (9.9.19)<\/p>\n

\u00a9 Domingos Oliveira, Eric Ewald, Valy Rodin, Jan SmolarekLes photos diffus\u00e9es sur ce site sont soumises \u00e0 des droits d\u2019auteurs et ne peuvent \u00eatre copi\u00e9es, modifi\u00e9es, vendues, sans l\u2019autorisation pr\u00e9alable du propri\u00e9taire du site en question.<\/i><\/p>\n

Brennen Elektro-Autoen wierklech m\u00e9i dacks?<\/p>\n

Och hei ass d’\u00c4ntwert kloer: Nee. Am Verglach Elektro\/Verbrenner\/Hybrid schneit den Hybrid am schlechtsten of, den E-Auto dog\u00e9int f\u00e4nkt statistesch am seelenste Feier. Den Detail dozou k\u00ebnnt Dir an d\u00ebsem RTL-Faktencheck noliesen.<\/a> De Sergent-Major Laurent Schauls vum CGDIS erkl\u00e4ert, firwat den Hybrid-Auto an de Statistiken esou schlecht do steet: “Mir hunn d\u00e9i zwou Geforequellen. Mir hunn eemol de Lithium-Akku, an dann hu mer awer och nach \u00ebmmer de Verbrenner.”<\/em><\/p>\n

Am Joer 2022 gouf et zu L\u00ebtzebuerg 122 Auto-Br\u00e4nn. Dor\u00ebnner war offiziellen CGDIS-Informatiounen no keen eenzegen Elektro-Auto. D’lescht Joer hunn iwwerdeems och 11 Busser gebrannt, dor\u00ebnner waren dr\u00e4i Elektro-Busser. Et g\u00ebtt zu L\u00ebtzebuerg nach kee registr\u00e9ierte Fall vun engem E-Auto, deen einfach esou ugefaangen huet mat brennen. An deene meeschte F\u00e4ll war en Opprall oder e Produktiounsfeeler schold, oder den Auto war grad um Lueden. De Virdeel vum Elektro-Auto wier, datt et keng brennbar Fl\u00ebssegkeet g\u00ebtt, iwwer d\u00e9i d’Feier sech k\u00e9int weider ausbreeden, esou de Laurent Schauls.<\/p>\n

Allgemeng kann ee soen, datt den Elektro-Auto zwar m\u00e9i seelen uf\u00e4nkt mat brennen, dofir dann awer m\u00e9i schw\u00e9ier ze l\u00e4schen ass, wann e bis brennt. Wann d’Feier bei engem E-Auto op den Akku iwwerspr\u00e9ngt, k\u00ebnnen Temperature vu bis zu 2.700 Grad entstoen. Dat f\u00e9iert dann och dozou, datt d’Feier och nom L\u00e4schen nach bis zu 48 Stonne muss iwwerwaacht ginn, fir s\u00e9cherzegoen, datt et net nees ugeet.<\/p>\n

International ginn d’E-Autoen dofir och emol a Waasser-Containere gesat, fir de Risk vun engem neie Feier ze minim\u00e9ieren. Zu L\u00ebtzebuerg g\u00ebtt d\u00ebs Method nach net reegelm\u00e9isseg genotzt, hei g\u00ebtt virop mat vill Waasser a W\u00e4rmebildkamerae geschafft. Ass den Akku vum Elektro-Auto net betraff, wier den Auto dog\u00e9int net m\u00e9i schw\u00e9ier ze l\u00e4schen, w\u00e9i ee Verbrenner-Auto, esou de Laurent Schauls.<\/p>\n

Dem CGDIS maache sougenannten “Rescue Sheet” an den E-Autoen d’Aarbecht m\u00e9i einfach. D\u00ebs weise genee, w\u00e9i een am beschten un d’Batterie k\u00ebnnt, fir se ze l\u00e4schen. Verschidde Marken, w\u00e9i zum Beispill Renault, hunn souguer extra een “Fireman Access” verbaut, mat deem een d’Waasser direkt bei d’Batterie lafe loosse kann. Domat wier d’Feier an der Reegel och esou s\u00e9ier gel\u00e4scht, w\u00e9i bei engem Verbrenner, erkl\u00e4ert de Laurent Schauls. An Zukunft ass an deem Gebitt mat Verbesserungen ze rechnen: International schaffe Pompjee\u00ebn n\u00e4mlech mat den Hiersteller zesummen, fir den Aspekt vun der Accessibilit\u00e9it fir d’Secouristen ze verbesseren.<\/p>\n

Hutt Dir Froen oder Ureegunge fir aner Themen? Da mellt Iech \u00ebnnert d\u00ebser E-Mail-Adress bei der RTL-Faktencheckredaktioun: faktencheck@rtl.lu<\/a><\/em><\/p>\n

Links<\/p>\n