{"id":242473,"date":"2023-03-02T08:00:54","date_gmt":"2023-03-02T08:00:54","guid":{"rendered":"https:\/\/belux.edmo.eu\/?p=242473"},"modified":"2023-03-01T13:39:15","modified_gmt":"2023-03-01T13:39:15","slug":"faktencheck-wll-deu-kommissioun-mat-zwee-neie-reglementer-dpopulatioun-kontrollieren","status":"publish","type":"post","link":"https:\/\/belux.edmo.eu\/lb\/faktencheck-wll-deu-kommissioun-mat-zwee-neie-reglementer-dpopulatioun-kontrollieren\/","title":{"rendered":"Faktencheck: W\u00ebll d’EU-Kommissioun mat zwee neie Reglementer “d’Populatioun kontroll\u00e9ieren”?"},"content":{"rendered":"
\n
\n
\n

 <\/p>\n<\/div>\n

\n

D’Europ\u00e4esch Kommissioun huet zwee Reglementer op de Wee bruecht, fir d’EU fit fir d\u00e9i digital Zukunft ze maachen. Unh\u00e4nger vu Verschw\u00f6rungstheori\u00eb gesinn doran de Versuch vun der ieweschter EU-Institutioun, d’Bierger an Zukunft duerch Chippen, d\u00e9i ageplanzt ginn, ze kontroll\u00e9ieren.<\/p>\n

D’Propose vun der EU-Kommissiounspresidentin Ursula von der Leyen iwwer d’Hierstelle vun elektroneschen Chippen an e Virschlag fir e Reglement iwwer en europ\u00e4esche System fir en digitale Portefeuille gi vun Internetnotzer als Beweis dofir interpret\u00e9iert, dass d’EU “d’Populatioun kontroll\u00e9iere” w\u00e9ilt. A Wierklechkeet huet den Entworf vum Gesetz fir “Halbleiter” als Zil, d\u00e9i europ\u00e4esch Produktioun vu Baudeeler ze erh\u00e9ijen, d\u00e9i fir vill Ber\u00e4icher vum deegleche Liewen noutwenneg sinn. Dob\u00e4i geet net rieds vun der Implantatioun vun Chippe bei M\u00ebnschen. Doriwwer eraus enth\u00e4lt den Entworf vun engem europ\u00e4eschen digitalen Identifikatiounssystem am Moment weder eng Limitatioune fir den Zougank zu best\u00ebmmten Online-D\u00e9ngschter nach eng Besteierung vun CO2-Zertifikater.<\/p>\n

“Elektronesch Muechtergr\u00e4ifung iwwer de Kierper: D’Ursula #vonderLeyen an d’#EU-B\u00fcrokrate bereede sech dorop vir, 2023 en elektroneschen Chip fir d’Bierger anzef\u00e9ieren an op de Wee vum chineesesche Sozialkreditsystem ze goen”, heescht et an engem Tweet<\/a>, deen z\u00ebnter Enn Dezember 2022 m\u00e9i w\u00e9i 800 Mol gedeelt gouf.<\/p>\n

An engem weideren Twitter-Thread g\u00ebtt de rum\u00e4neschen Europadeput\u00e9ierte Cristian Terhes zit\u00e9iert, deen “opgedeckt” soll hunn, dass “op europ\u00e4eschem Niveau e System nom Virbild vum chineesesche Sozialkredit an Aarbecht ass”. Hie schw\u00e4tzt hei vum Projet fir en digitalen europ\u00e4eschen Identifikatiounssystem (eID<\/a>), deen hie mam kontroverse System a China<\/a> vergl\u00e4icht. De System bew\u00e4ert do d’Populatioun an Entrepris\u00eb mat gudden a schlechte Punkte jee no hirem Behuelen.<\/p>\n

Den Internetnotzer no soll de Cristian Terhes och de Gesetzentworf fir elektronesch Chippen (EU Chips Act) erw\u00e4\u00e4nt a gesot hunn, dass mat deenen zwee kombin\u00e9ierte Systemer, Chippe fir Bierger an eID, “d’Kontroll iwwer d’Bev\u00eblkerung garant\u00e9iert ass”. Am Thread ginn nach eng Rei Links ernimmt, d\u00e9i d\u00ebs Behaaptungen \u00ebnnerst\u00ebtze sollen.<\/p>\n

Dee selwechten Text gouf och op Telegram<\/a> souw\u00e9i op Facebook a Frankr\u00e4ich<\/a> an an der Belsch<\/a> propag\u00e9iert.<\/p>\n

\"RTL\" Capture d&#039;\u00e9cran r\u00e9alis\u00e9e sur Facebook le 14\/02\/2023<\/p>\n

\"RTL\" Capture d&#039;\u00e9cran r\u00e9alis\u00e9e sur Twitter le 14\/02\/2023<\/p>\n

A Wierklechkeet ginn an d\u00ebsem Text zwee komplett \u00ebnnerschiddlech EU-Projete matenee verm\u00ebscht. Dat eent ass den EU Chips Act, mat deem d\u00e9i europ\u00e4esch Produktioun vun “Halbleiter” a Mikrochippen erh\u00e9icht soll ginn, d\u00e9i a ville Ber\u00e4icher w\u00e9i der Autosindustrie, der Hierstellung vun Telefonen oder Computeren asw. benotzt ginn.<\/p>\n

Deen anere Projet betr\u00ebfft d’Af\u00e9iere vun enger europ\u00e4escher elektronescher Identifiz\u00e9ierung, der eID, d\u00e9i et den europ\u00e4esche Bierger erm\u00e9igleche soll, hir Donn\u00e9e\u00ebn iwwer en digitale Portefeuille (European Wallet) ze zentralis\u00e9ieren an an alle Memberl\u00e4nner op best\u00ebmmt Online-D\u00e9ngschter zer\u00e9ckzegr\u00e4ifen.<\/p>\n

Am G\u00e9igesaz dozou, wat an de Publikatiounen, d\u00e9i hei \u00ebnnersicht ginn, behaapt g\u00ebtt, sinn an den Texter iwwer d’eID am Moment keng Zouganksbeschr\u00e4nkung oder CO2-Zertifikater virgesinn.<\/p>\n

Wat huet de Cristian Terhes wierklech gesot?<\/p>\n

De rum\u00e4neschen Europadeput\u00e9ierte Cristian Terhes<\/a> ass Member vun der M\u00ebtt-Riets-Fraktioun vun den Europ\u00e4esche Konservativen a Reformisten (EKR).<\/p>\n

Den \u00e9ischten Deel vu sengen \u00c4usserungen, d\u00e9i him vun Internetnotzer zougeschriwwe ginn, ass op der Webs\u00e4it vum rum\u00e4nesche Sender Antena 3<\/a> an engem Artikel vum 21. Januar 2022 mam Titel “Deput\u00e9ierte Cristian Terhes behaapt, dass d’EU en nach m\u00e9i schl\u00ebmme Restriktiounsplang prepar\u00e9iert w\u00e9i de gr\u00e9ngen Zertifikat” ze fannen. Mam “gr\u00e9ngen Zertifikat” ass den digitale Covid-Zertifikat<\/a> vun der EU gemengt.<\/p>\n

Den Artikel zit\u00e9iert en Interview vum Europadeput\u00e9ierten an enger Sendung vum Sender Subjectiv, an d\u00e4r de Cristian Terhes sot, dass “op europ\u00e4eschem Niveau aktuell e System opgebaut g\u00ebtt, deen deem a China mat Sozialkreditter \u00e4nlech ass, opgebaut g\u00ebtt”.<\/p>\n

Hei f\u00ebnnt een och den \u00e9ischten Deel vum Zitat, dat dem Cristian Terhes vun Internetnotzer zougeschriwwe g\u00ebtt: “Ech selwer schaffen un engem \u00e4nlechen Dossier am Europ\u00e4esche Parlament wat d’eID (European Identification) betr\u00ebfft, bei deem all Persoun an der EU eng Identifikatiounsnummer, d\u00e9i aus Zuelen a Buschtawe besteet, huet, d\u00e9i Dir fir de Rescht vun hirem Liewe behale w\u00e4ert, a mat d\u00ebser Nummer k\u00ebnnt Dir best\u00ebmmt Saache maachen oder net maachen. Zum Beispill g\u00ebtt Iech en CO2-Emissiounstaux zougewisen a mat d\u00ebser eID k\u00ebnnt Dir Iech online, op sozialen Netzwierker an op \u00c4rem Bankkont aloggen.”<\/p>\n

Dog\u00e9int g\u00ebtt an dem Artikel net op de weideren Text agaangen, deen hei \u00ebnnersicht g\u00ebtt, an deem et \u00ebm d’europ\u00e4esch Politik am Ber\u00e4ich vun elektroneschen Chippe geet.<\/p>\n

Och am Videoextrait vum Interview, deen am Artikel integr\u00e9iert ass, schw\u00e4tzt de Cristian Terhes och net iwwer d\u00e9i europ\u00e4esch Chip-Politik. Och bei der Sich no St\u00e9chwierder op Frans\u00e9isch, Englesch a Rum\u00e4nesch ware keng esou \u00c4usserunge vum Europadeput\u00e9ierten ze fannen.<\/p>\n

Europa w\u00ebll d’Produktioun vun elektroneschen Chippe fir d’Industrie erh\u00e9ijen, net fir d’M\u00ebnschen<\/p>\n

“D’Ursula #vonderLeyen a d’#EU-Burokrate bereede ech op d’Af\u00e9iere vun engem elektroneschen Chip fir d’Populatioun am Joer 2023 vir”, behaapten d’Internetnotzer. Hinnen no h\u00e4tt d’Erh\u00e9ijung vun Chippen an Europa, d\u00e9i um h\u00e9chste Stand vun der Technologie sinn, als Zil “d’Populatioun ze kontroll\u00e9ieren”.<\/p>\n

D\u00ebs Theorie vun engem angeebleche geheime Projet vun Elitten, fir d’Bev\u00eblkerung ze “p\u00e9ngegen” an ze kontroll\u00e9ieren, k\u00ebnnt \u00ebmmer nees an de Sph\u00e4re vu Konspiratiounen op a gouf vun der AFP hei<\/a> an hei<\/a> schonn iwwerpr\u00e9ift.<\/p>\n

Op hirer Internets\u00e4it<\/a> erkl\u00e4ert d’Europ\u00e4esch Kommissioun, dass Chippen, d\u00e9i och als “Halbleiter” bezeechent ginn, de Pilier vun allen elektronesche Produite sinn. Se spillen eng zentral Roll an eise modernen Ekonomien an an eisem deegleche Liewen.”<\/p>\n

“D\u00e9i j\u00e9ngst weltw\u00e4it Verknappung vun Chippen huet d’Liwwerkette gest\u00e9iert, zu Verknappunge vu Produite gef\u00e9iert, vum Auto bis bei Medikamenter, an an e puer F\u00e4ll hu souguer Fabricke mussen zougemaach ginn”, sou d’Kommissioun weider.<\/p>\n

Den Text, deen hei iwwerpr\u00e9ift g\u00ebtt, bas\u00e9iert op zwou verschiddene Riede vun der Ursula von der Leyen. De Begr\u00ebff “europ\u00e4eschen Hightech-Ekosystem” staamt aus hirer Ried zur Lag vun der Unioun am Joer 2021<\/a>, w\u00e9i d’Internetnotzer prezis\u00e9ieren.<\/p>\n

Deemools huet d’Presidentin vun der Europ\u00e4escher Kommissioun den neien “European Chips Act” virgestallt, mat deem “zesummen e f\u00e9ierenden europ\u00e4eschen Ekosystem fir elektronesch Chippen, d’Produktioun inclus, geschaaft soll ginn. Dat w\u00e4ert eis Versuergungss\u00e9cherheet assur\u00e9ieren an d’Erschl\u00e9isse vun neie M\u00e4ert fir europ\u00e4esch Sp\u00ebtzentechnologie erm\u00e9iglechen”, sot d’Ursula von der Leyen, d\u00e9i d’N\u00ebtzlechkeet vun d\u00ebse “klengen Chippen, vun deenen esou vill ofh\u00e4nkt: Smartphonen, elektresch Scooteren, Zich oder komplett intelligent Fabricke” verdeedegt huet.<\/p>\n

Am \u00e9ischte Link<\/a>, deen an de Publikatiounen, d\u00e9i hei \u00ebnnersicht ginn, ernimmt g\u00ebtt, erw\u00e4\u00e4nt d’Europ\u00e4esch Kommissioun d\u00ebs Ried an er\u00ebnnert dorun, dass “Halbleiter” “d\u00e9i wesentlech Bestanddeeler vun digitale Produkter sinn, d\u00e9i mir permanent benotzen, ob dat Smartphones, Computeren, Haushaltsger\u00e4ter, liewenswichteg medezinesch Ger\u00e4ter, Kommunikatioun, Energie, industriell Automatis\u00e9ierung asw.” ass. Weder d\u00ebsen nach de follgende Link<\/a>, deen op eng S\u00e4it vun der Kommissioun iwwer den EU Chips Act verweist, ernimmen Chippen, d\u00e9i M\u00ebnschen implant\u00e9iert ginn.<\/p>\n

Weider Aussoen an de Publikatioune stamen aus enger Ried, d\u00e9i sp\u00e9ider den 20. Januar 2022 um Wirtschaftsforum zu Davos virgedroe goufen. An enger extraordin\u00e4rer Usprooch<\/a> um Forum huet d’Ursula von der Leyen erkl\u00e4ert: “De Bedarf vun Europa un elektroneschen Chippe w\u00e4ert sech an den n\u00e4chsten z\u00e9ng Joer verduebelen. Dow\u00e9inst musse mir den Niveau vun der Entw\u00e9cklung, der Hierstellung an der Notzung vun d\u00ebser Schl\u00ebsseltechnologie an Europa radikal steigeren.”<\/p>\n

D’Presidentin vun der Europ\u00e4escher Kommissioun huet an hirer Ried – d\u00e9i hei<\/a> vollst\u00e4nneg opgeruff ka ginn – ausf\u00e9ierlech op d’Bedeitung vu Mikrochippen an “Halbleiter” fir d\u00e9i modern Technik higewisen – an net op d\u00e9i vermeintlech “elektronesch Bes\u00ebtzergr\u00e4ifung vu Kierper”: “Haut hu mir Mikrochippen net just an eise Computeren an Telefonen, mee och an eisen Autoen, an eisen Heizungen, an eise Klinicken an an eisen Otemapparater. Et g\u00ebtt keng Digitalis\u00e9ierung ouni Chippen”, sot si.<\/p>\n

“D\u00e9i meescht vun eisen Approvisionnementer stame vun e puer w\u00e9inege Produzente baussent Europa, an dat ass eng Ofh\u00e4ngegkeet an Ons\u00e9cherheet, d\u00e9i mir eis net leeschte k\u00ebnnen. Dow\u00e9inst solle bis 2030 20 Prozent vun der Mikrochip-Produktioun an Europa produz\u00e9iert ginn”, sou d’Ursula von der Leyen.<\/p>\n