{"id":296316,"date":"2023-11-06T14:00:43","date_gmt":"2023-11-06T14:00:43","guid":{"rendered":"https:\/\/belux.edmo.eu\/?p=296316"},"modified":"2023-11-08T08:53:44","modified_gmt":"2023-11-08T08:53:44","slug":"faktencheck-video-weist-net-darrive-vun-dausenden-us-zaldoten-an-israel","status":"publish","type":"post","link":"https:\/\/belux.edmo.eu\/lb\/faktencheck-video-weist-net-darrive-vun-dausenden-us-zaldoten-an-israel\/","title":{"rendered":"Faktencheck: Video weist net d’Arriv\u00e9e vun Dausenden US-Zaldoten an Israel"},"content":{"rendered":"
\n
\n
\n

 <\/p>\n<\/div>\n

\n

De Krich t\u00ebscht Israel an der Hamas huet z\u00ebnter dem Ugr\u00ebff vun der radikalislamescher Terrororganisatioun de 7. Oktober an de Vergeltungsschl\u00e9i vun der israeelescher Arm\u00e9i an der Gazastr\u00e4if Dausende vun Doudege gefuerdert. An d\u00ebsem Zesummenhang si vill viral Videoen a sozialen Netzwierker am \u00cbmlaf, fir de Konflikt ze dokument\u00e9ieren, awer och eng Zuel un Desinformatiounen. Dozou zielt e Video, an deem een Zaldoten aus engem Fliger klamme ges\u00e4it.<\/p>\n

M\u00e9i w\u00e9i 1.400 M\u00ebnsche goufen de 7. Oktober 2023 op israeeleschem Buedem vun Hamas-K\u00e4mpfer \u00ebmbruecht, d\u00e9i meescht vun hinne goufe vu Kugelen zerschoss, bei liewegem L\u00e4if verbrannt oder mutil\u00e9iert, sou d\u00e9i israeelesch Autorit\u00e9iten. Ongef\u00e9ier 1.500 Hamas-K\u00e4mpfer goufe bei der G\u00e9igenoffensiv \u00ebmbruecht, d\u00e9i et Israel erm\u00e9iglecht huet, d’Kontroll iwwer d\u00e9i attack\u00e9iert Gebidder zer\u00e9ckzegewannen, sou d\u00e9i israeelesch Arm\u00e9i. D’Hamas hat m\u00e9i w\u00e9i 200 Geisele geholl, dor\u00ebnner Ausl\u00e4nner aus m\u00e9i w\u00e9i 20 L\u00e4nner, d\u00e9i an der Gazastr\u00e4if festgehale ginn.<\/p>\n

Op pal\u00e4stinensescher S\u00e4it goufen den Donn\u00e9e\u00eb vum Gesondheetsminist\u00e8re vun der hamasgef\u00e9ierter Regierung no den 31. Oktober m\u00e9i w\u00e9i 8.500 M\u00ebnschen an der Gazastr\u00e4if \u00ebmbruecht, d\u00e9i meescht dovun Zivilisten. Ganz Staddeeler goufen dem \u00c4erdbuedem gl\u00e4ichgemaach a sinn ouni Waasser, Narung a Stroum. M\u00e9i w\u00e9i eng hallef Millioun M\u00ebnsche goufen z\u00ebnter der israeelescher Belagerung vun der Gazastr\u00e4if den 9. Oktober verdriwwen. D’Gazastr\u00e4if \u00ebnnerl\u00e4it schonn zanterdeem d’Hamas am Joer 2007 d’Muecht iwwerholl huet, enger Land-, Mieres- a Loftblockad.<\/p>\n

Z\u00ebnter dem 7. Oktober an diversen Demonstratioune fir Israel s\u00e4itens der US-Regierung hunn d\u00e9i amerikanesch Aktivit\u00e9iten am Noen Osten \u00ebmmer m\u00e9i Opmierksamkeet an de Medie kritt.<\/p>\n

An d\u00ebsem Zesummenhang zirkul\u00e9iere vill Desinformatiounen an de sozialen Netzwierker zu d\u00ebsem Sujet.<\/p>\n

Video vun amerikanesche Fallschiermjee\u00ebr a Rum\u00e4nien aus dem Joer 2022<\/p>\n

Dat ass bei engem Video de Fall, deen an diverse Sproochen an op diverse Plattforme w\u00e9i X<\/a> (fr\u00e9ier Twitter), TikTok<\/a> a Facebook<\/a> diffus\u00e9iert g\u00ebtt. Et sinn Zaldoten ze gesinn, d\u00e9i nuets mat hirer Ausr\u00fcstung aus engem Fliger klammen.<\/p>\n

\"RTL\" \u00a9 AFP<\/p>\n

D’Beschreiwungen zu deem Video schw\u00e4tze vun “Dausenden” US-Zaldoten, “enger Arm\u00e9i”, “Marines vun der US Navy” oder “Marines vun der US Air Force”, d\u00e9i an Israel “landen”, fir der israeelescher Arm\u00e9i zur S\u00e4it ze stoen.<\/p>\n

Eng \u00ebmgek\u00e9iert Billersich erm\u00e9iglecht et awer, d’Orignialversioun vum Video<\/a> ze fannen: En dat\u00e9iert vum 28. Juni 2022 an domat w\u00e4it virum Konflikt am Noen Osten (Archiv<\/a>).<\/p>\n