{"id":297572,"date":"2023-11-11T15:00:49","date_gmt":"2023-11-11T15:00:49","guid":{"rendered":"https:\/\/belux.edmo.eu\/?p=297572"},"modified":"2023-11-14T12:10:11","modified_gmt":"2023-11-14T12:10:11","slug":"faktencheck-dronenopname-vun-tierkei-erdbiewe-flschlecherweis-als-israeelesch-attack-op-gaza-gedeelt","status":"publish","type":"post","link":"https:\/\/belux.edmo.eu\/lb\/faktencheck-dronenopname-vun-tierkei-erdbiewe-flschlecherweis-als-israeelesch-attack-op-gaza-gedeelt\/","title":{"rendered":"Faktencheck: Dronenopname vun Tierkei-\u00c4erdbiewe f\u00e4lschlecherweis als “israeelesch Attack op Gaza” gedeelt"},"content":{"rendered":"
\n
\n
\n

 <\/p>\n<\/div>\n<\/div>\n

Israel besch\u00e9isst ouni Paus d’Gazastr\u00e4if als Revanche fir eng beispilllos Attack vun Hamas-K\u00e4mpfer de 7. Oktober 2023. Loftbiller vun enger zerst\u00e9ierter Stad, d\u00e9i op Facebook am \u00cbmlaf sinn, weisen awer net d’Konsequenze vun israeeleschen Attacken op d\u00ebst Gebitt. D\u00ebst Filmmaterial gouf nom groussen \u00c4erdbiewen am Februar 2023 an der Tierkei opgeholl.<\/p>\n

\"RTL\" \u00a9 AFP<\/p>\n

D\u00e9i israeelesch Autorit\u00e9ite soen, d’Hamas-K\u00e4mpfer h\u00e4tte m\u00e9i w\u00e9i 1.400 M\u00ebnschen<\/a>, haapts\u00e4chlech Zivilisten, \u00ebmbruecht, w\u00e9i si de 7. Oktober aus der Gazastr\u00e4if eraus eng Attack lanc\u00e9iert haten, d\u00e9i et bis dohin nach net gouf. Ronn 240 M\u00ebnsche goufen als Geisele geholl<\/a>, dovu goufen der den 1. November f\u00ebnnef fr\u00e4igelooss<\/a>.<\/p>\n

Israel huet geschwuer, d’Hamas ze vernichten an huet milit\u00e4resch Attacken op d’Gazastr\u00e4if<\/a> gestart, d\u00e9i dat enkt a veraarmt Gebitt, an deem 2,3 Millioune Pal\u00e4stinenser liewen, getraff hunn.<\/p>\n

Den Donn\u00e9e\u00eb vum Gesondheetsminist\u00e8re an der Gazastr\u00e4if no, dee vun der Hamas geleet g\u00ebtt, goufe bei den israeeleschen Ugr\u00ebffer an de sech versch\u00e4erfende Buedemk\u00e4mpf bal 10.600 M\u00ebnschen<\/a>, haapts\u00e4chlech Zivilisten, dor\u00ebnner m\u00e9i w\u00e9i 4.000 Kanner<\/a>, \u00ebmbruecht.<\/p>\n

Dausenden Ziviliste sinn op b\u00e9ide S\u00e4ite vum Konflikt \u00ebmkomm.<\/p>\n

De Video, deen op Facebook am \u00cbmlaf ass a sech och anescht wou verbreet huet (hei<\/a>, hei<\/a>, an hei<\/a>), huet awer n\u00e4ischt mam Konflikt ze dinn.<\/p>\n

De Video weist d’Nowierkunge vun engem schl\u00ebmmen \u00c4erdbiewen<\/a>, dat am Februar 2023 d’Tierkei a Syrien getraff a m\u00e9i w\u00e9i 50.000 M\u00ebnschen \u00ebmkomm waren<\/a> a Millioune Leit ouni Daach iwwer dem Kapp hannerlooss hat (hei<\/a>archiv<\/a>\u00e9iert).<\/p>\n

Den Donn\u00e9e\u00eb vun der Regierung<\/a> no goufe beim Biewen an der Tierkei sch\u00e4tzungsweis 2,6 Millioune Gebaier zerst\u00e9iert (archiv\u00e9ierte Link<\/a>).<\/p>\n

\u00c4erdbiewen an der Tierkei<\/p>\n

Eng \u00ebmgek\u00e9iert Biller- a St\u00e9chwierdersich op Google huet eng m\u00e9i laang Versioun vum Video erginn, deen den 10. Februar 2023 vun der tierkescher Norichtes\u00e4it En Son Haber ver\u00ebffentlecht<\/a> gouf (archiv\u00e9ierte Link<\/a>).<\/p>\n

De Video, deen iwwer zwou Minutte geet, gouf dem Kameramann Muhammed K\u00f6sen zougeschriwwen.<\/p>\n

De K\u00f6sen huet der AFP matgedeelt, dass hien de Video den 9. Februar 2023 gemaach huet. D’Metadate weisen, dass de Clip op deem Dag gedr\u00e9it gouf.<\/p>\n

\"RTL\" \u00a9 AFP<\/p>\n

De K\u00f6sen hat den 10. Februar 2023 eng m\u00e9i kuerz Versioun vum Video op\u00a0Instagram<\/a> gepost. Am G\u00e9igesaz zum Video am gef\u00e4lschte B\u00e4itrag ass hei Instrumentalmusek am Hannergrond amplaz d’Ger\u00e4isch vun enger kr\u00e4ischender Persoun ze h\u00e9ieren(archiv\u00e9ierte Link<\/a>) .<\/p>\n

D\u00e9i s\u00fcdlech Prov\u00ebnz Hatay an d’Stad Antakya goufen och an der Beschreiwung vum Video ernimmt.<\/p>\n

\n
\n
\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

A post shared by Muhammed Ko\u0308sen (@muhammedkosen)<\/a><\/p>\n<\/div>\n<\/blockquote>\n