{"id":317657,"date":"2024-02-06T09:07:34","date_gmt":"2024-02-06T09:07:34","guid":{"rendered":"https:\/\/belux.edmo.eu\/?p=317657"},"modified":"2024-02-05T20:07:39","modified_gmt":"2024-02-05T20:07:39","slug":"faktencheck-de-klaus-schwab-huet-beim-wef-net-gefuerdert-walen-duerch-ki-ze-ersetzen","status":"publish","type":"post","link":"https:\/\/belux.edmo.eu\/lb\/faktencheck-de-klaus-schwab-huet-beim-wef-net-gefuerdert-walen-duerch-ki-ze-ersetzen\/","title":{"rendered":"Faktencheck: De Klaus Schwab huet beim WEF net gefuerdert, Walen duerch KI ze ersetzen"},"content":{"rendered":"
\n
\n
\n

 <\/p>\n<\/div>\n<\/div>\n

2017 huet de Matgr\u00ebnner vu Google, de Sergey Brin, um Jorestreffe vum Weltwirtschaftsforum (WEF) deelgeholl an huet mam WEF-Gr\u00ebnner Klaus Schwab iwwer Entrepreneursgeescht, nei Technologien a K\u00ebnschtlech Intelligenz geschwat.<\/p>\n

“Dem Klaus Schwab seng alarm\u00e9ierend Visioun: KI w\u00e4ert Wieler ersetzen a Walen obsolet maachen”, heescht et an engem B\u00e4itrag vum 19. Februar 2024<\/a> op Facebook, deen e kuerze Clip vum WEF-Gr\u00ebnner Klaus Schwab deelt. De Video gouf an enger Rei Posts w\u00e4rend dem 54. WEF-Jorestreffen<\/a> zu Davos an der Schw\u00e4iz a sozialen Netzwierker propag\u00e9iert.<\/p>\n

De Video gouf och op Telegram<\/a> an X<\/a> souw\u00e9i an anere Sprooche villfach gedeelt, dor\u00ebnner Englesch<\/a>, Tschechesch<\/a> oder Slowakesch<\/a>. E puer vun de B\u00e4itr\u00e4g enthalen nieft dem Clip en Artikel<\/a> vum Blog “tkp” vum 17. Januar 2024, an deem och behaapt g\u00ebtt, de Schwab h\u00e4tt op dem WEF-Sommet 2024 Wale fir iwwerfl\u00ebsseg erkl\u00e4ert. D’AFP huet an der Vergaangenheet scho Falschinformatiounen iwwerpr\u00e9ift<\/a>, d\u00e9i vun dem \u00e9istr\u00e4ichesche Blog verbreet goufen.<\/p>\n

\"RTL\" \u00a9 AFP<\/p>\n

De Video ass allerd\u00e9ngs siwe Joer al a staamt soumat net vum WEF-Sommet 2024. D’Falschbehaaptungen, d\u00e9i dora verbreet ginn, goufen am August 2023 vu Faktencheck-Organisatioune w\u00e9i “CheckYourFact<\/a>“, “Lead Stories<\/a>” oder och “Ellinika Hoeaxes<\/a>” widderluecht.<\/p>\n

De Klaus Schwab an de WEF sinn heefeg Zil vun Desinformatioun. D’AFP huet Desinformatiounen iwwer d’Organisatioun<\/a> an hire Gr\u00ebnner<\/a> schonn e puer mol widderluecht.<\/p>\n

Schwab huet eng hypotheetesch Fro gestallt<\/p>\n

Am Joer 1998 huet de Sergey Brin<\/a> zesumme mam Larry Page, sengem Gesch\u00e4ftspartner an eemolege Studiekolleeg vun der Stanford University, d’Entreprise Google gegr\u00ebnnt. Alphabet, d’Mammegesellschaft vu Google, ass Stand Enn Januar 2024 weltw\u00e4it d\u00e9i v\u00e9iertgr\u00e9isst Entreprise<\/a>, wat d’Maartkapital ugeet.<\/p>\n

D’Gespr\u00e9ich t\u00ebscht dem Brin an dem Schwab, aus deem de Clip staamt, war den 19. Januar 2017<\/a> beim 47. WEF-Sommet zu Davos. An der Dagesuerdnung gouf et als “e Gespr\u00e9ich mam Google-Gr\u00ebnner Sergey Brin iwwer F\u00e9ierung, Entrepreneursgeescht an d\u00e9i v\u00e9iert industriell Revolutioun” beschriwwen. D’AFP konnt keng Hiweiser op weider \u00ebffentlech Treffe vum Brin a Schwab nom 19. Januar 2017 fannen. Eng Sich am Internet<\/a> huet just Resultater iwwer d’Gespr\u00e9ich<\/a> um deemolege Sommet gewisen, dat a voller L\u00e4ngt<\/a> op dem offizielle YouTube-Kanal vum WEF ver\u00ebffentlecht ass (hei<\/a> archiv\u00e9iert).<\/p>\n

Doran ass ze gesinn, dass de Schwab am Gespr\u00e9ich d’Roll vum Moderator anh\u00eblt an dem Brin Froe stellt. Seng \u00e9ischt Fro huet d\u00e9i n\u00e4chst Grenz vun der v\u00e9ierter industrieller Revolutioun betraff – e Sujet, iwwer deen de Schwab 2016 och e\u00a0Buch<\/a> geschriwwen huet. De Brin huet doropshin iwwer Innovatioune bei Google an d’Entw\u00e9cklung vu K\u00ebnschtlecher Intelligenz geschwat, d\u00e9i senger Meenung no “d’Fortsetzung vun der Automatis\u00e9ierung ass, d\u00e9i mir an de leschten zweehonnert Joer erlieft hunn”. Hien huet och hir Auswierkung op d’Biologie, d’Gesondheetswiesen, d’Ekonomie an d’Gesellschaft insgesamt beschriwwen.<\/p>\n