{"id":339027,"date":"2024-06-17T10:01:59","date_gmt":"2024-06-17T10:01:59","guid":{"rendered":"https:\/\/belux.edmo.eu\/?p=339027"},"modified":"2024-06-21T08:56:20","modified_gmt":"2024-06-21T08:56:20","slug":"faktencheck-postings-maachen-haarp-fuerschungsprojet-flschlech-fir-polarliichter-verantwortlech","status":"publish","type":"post","link":"https:\/\/belux.edmo.eu\/lb\/faktencheck-postings-maachen-haarp-fuerschungsprojet-flschlech-fir-polarliichter-verantwortlech\/","title":{"rendered":"Faktencheck: Postings maachen HAARP-Fuerschungsprojet f\u00e4lschlech fir Polarliichter verantwortlech"},"content":{"rendered":"
\n
\n
\n

 <\/p>\n<\/div>\n

\n

E staarke Sonnestuerm huet am Mee 2024 fir spektakul\u00e4r Polarliichter gesuergt, d\u00e9i op der ganzer Welt ze gesi waren. A sozialen Netzwierker gouf awer behaapt, dass d\u00ebs Liichter vun engem US-amerikanesche Fuerschungsprojet ausgel\u00e9ist goufen. Deem ass awer net esou.<\/p>\n

“HAARP, 8.5. – 10.5. D\u00e9i lescht dr\u00e4i Deeg gouf mat H\u00ebllef vu risegen HAARP-Anlagen an Alaska d’Atmosph\u00e4r immens staark ionis\u00e9iert, wat d\u00e9i k\u00ebnschtlech Nordliichter iwwer Europa produz\u00e9iert huet” huet e User den 11. Mee 2024 op Facebook<\/a> geschriwwen. B\u00e4itr\u00e4g mat d\u00ebser Behaaptung goufen zu Honnerte gedeelt. Och op Telegram<\/a> ass d’Ausso am \u00cbmlaf.<\/p>\n

An de B\u00e4itr\u00e4g gi Biller a Videoe vu gr\u00e9ngen a rosae Polarliichter um Himmel gewisen. User<\/a> behaapten, dass HAARP<\/a> – en eemolegen US-Milit\u00e4rprojet, deen haut op der University of Alaska Fairbanks ugesidelt ass an d’Ionosph\u00e4r<\/a> mat H\u00ebllef vun H\u00e9ichfrequenzsenderen erfuerscht – fir d’Polarliichter Ufank Mee 2024 verantwortlech gewiescht w\u00e4r.<\/p>\n

\"RTL\" \u00a9 AFP<\/p>\n

Spektakul\u00e4r Polarllichter<\/a> hunn den Nuetshimmel a villen Deeler vun der Welt an der Nuecht vum 10. op den 11. Mee 2024 zum liichte bruecht. Se goufen duerch de st\u00e4erkste Sonnestuerm z\u00ebnter m\u00e9i w\u00e9i zwee Joerz\u00e9ngten ausgel\u00e9ist. Sech ver\u00e4nnerend Magn\u00e9itfelder, d\u00e9i mat geomagn\u00e9itesche Stierm anhierginn, l\u00e9isen elektresch Str\u00e9im zum Beispill a Stroumleitungen aus, wat zu Stroumausf\u00e4ll f\u00e9iere kann. Och laang Pipelines k\u00ebnnen \u00ebnner Stroum stoen, wat zu technesche Problemer f\u00e9iert.<\/p>\n

D\u00e9i gedeelt Behaaptunge sinn awer ierf\u00e9ierend. De weltw\u00e4ite Phenomeen huet n\u00e4ischt mat dem HAARP-Fuerschungsprogramm (High-Frequency Actie Auroral Research Program) ze dinn.<\/p>\n

HAARP-Experiment heizt\u00a0 Falschbehaaptungen un<\/p>\n

Obwuel d’HAARP-Fuerschung hirer Internets\u00e4it<\/a> no zu engem “schwaachen, liichtenden, Aurora-\u00e4nleche Liichte” f\u00e9iere kann, ka sech hir Wierkung net iwwer e klengt Gebitt eraus erstrecken, soe W\u00ebssenschaftler.<\/p>\n

Den Dennis Papadopoulos<\/a>, Professer fir Plasmaphysik op der University of Maryland an ee vun de W\u00ebssenschaftler, d\u00e9i un der Entw\u00e9cklung vun HAARP bedeelegt waren, h\u00e4lt d\u00e9i gedeelt Behaaptunge fir onbegr\u00ebnnt. “Wa mir an der Vergaangenheet k\u00ebnschtlech Polarliichter hiergestallt hunn, ass d\u00ebst op d’Gebitt ronder\u00ebm Gakona<\/a> limit\u00e9iert an \u00ebm Gr\u00e9isstenuerdnunge m\u00e9i schwaach w\u00e9i dat, wat observ\u00e9iert g\u00ebtt”, huet hien an enger E-Mail vum 13. Mee 2024 geschriwwen. “HAARP ka keng global Effekter ervirruffen.”<\/p>\n

Ugeheizt goufen d’Behaaptungen duerch d’Meldung<\/a>, dass HAARP vum 8. bis den 10. Mee 2024 Fuerschungen duerchgef\u00e9iert huet. An enger Rei vu B\u00e4itr\u00e4g<\/a>, d\u00e9i verbreet goufen, gouf eng echt Matdeelung iwwer de Projet als angeebleche Beweis<\/a> dofir ugef\u00e9iert, dass HAARP fir d’Polarliichter responsabel w\u00e4r.<\/p>\n

E Spriecher vun der an Alaska us\u00e4sseger Ariichtung huet den 13. Mee 2024 g\u00e9intiwwer der AFP awer erkl\u00e4ert, d’Experiment h\u00e4tt “Mechanismen iwwer d’Erkenne vu Weltraumschrott an der \u00cbmlafbunn \u00ebnnersicht” an h\u00e4tt n\u00e4ischt mat dem geomagn\u00e9itesche Stuerm ze dinn.<\/p>\n

D’University of Alaska Fairbanks gouf de selwechten Dag eng Erkl\u00e4rung<\/a> mat zous\u00e4tzlechen Detailer zu hirer Fuerschung eraus. “Mir hunn op vill Ufroe vu Medien an der \u00cbffentlechkeet ge\u00e4ntwert”, g\u00ebtt d’Jessica Matthews, d’Direktesch vun HAARP, an der Erkl\u00e4rung zit\u00e9iert. “D\u00e9i w\u00ebssenschaftlech HAARP-Experimenter stoungen a kengem Zesummenhang mat dem Sonnestuerm oder den h\u00e9ije Polarllichtaktivit\u00e9iten, d\u00e9i ronder\u00ebm de Globus ze observ\u00e9iere waren.”<\/p>\n

\"RTL\" \u00a9 AFP<\/p>\n

Den Jeffrey Hughes<\/a>, Professer fir Astronomie mat Schw\u00e9ierpunkt Weltraumphysik op der Boston University, huet deem zougest\u00ebmmt an der AFP an enger E-Mail vum 13. Mee 2024 matgedeelt, dass d’Radiowellen, d\u00e9i vun HAARP ausgestraalt ginn, “d\u00e9i lokal Ionosph\u00e4r (iwwer eng Regioun vun ongef\u00e9ier 100 Meile Breet) ver\u00e4nnere k\u00ebnnen, awer net m\u00e9i w\u00e4it. Se k\u00e9inte keng Nuetshimmelliichter baussent vun Alaska ausl\u00e9isen”. 100 Meilen entspriechen ongef\u00e9ier 160 Kilometer.<\/p>\n

Den op Ionosph\u00e4r spezialis\u00e9ierten emerit\u00e9ierte Professer Umran Inan<\/a> vun der Stanford University huet der AFP den 13. Mee 2024 geschriwwen, dass d’Behaaptunge w\u00e9ineg S\u00ebnn ergi g\u00e9ifen. “D’elektromagn\u00e9itesch Energie, d\u00e9i vun der HAARP-Anlag un d’Ionosph\u00e4r ofgi g\u00ebtt, ass winzeg am Verglach zu der Energie, d\u00e9i vun intensive Bl\u00ebtzer ofgi g\u00ebtt, d\u00e9i zum Beispill 50 bis 60 Mol pro Sekonn op eisem Plan\u00e9it optrieden”, huet hien an enger E-Mail erkl\u00e4ert. “Deementspriechend ass all Undeitung, dass e globaalt Ereegnes w\u00e9i d\u00ebst mat HAARP zesummenh\u00e4nkt, wierklech l\u00e4cherlech.”<\/p>\n

D’Tuija Pulkkinen<\/a>, d’Titulairin vum L\u00e9ierstull fir Klima- a Weltraumw\u00ebssenschaften an -technik op der University of Michigan, huet d’Behaaptungen den 13. Mee 2024 an \u00e4nlecher Man\u00e9ier zer\u00e9ckgewisen. “HAARP ass e Funksender, dee Signaler un d\u00e9i iewescht Atmosph\u00e4r sch\u00e9ckt an eng Elektronenheizung fabriz\u00e9iert. Et huet d’F\u00e4egkeet, e k\u00ebnschtlecht Liichten an der Loft hierzestellen, dat Polarliichter \u00e4nele k\u00e9int, awer just an enger ganz lokaler Regioun”, sot si g\u00e9intiwwer der AFP. “D’Optriede vum Sonnestuerm gouf duerch Observatioune vun der Sonn a vum Sonnewand an 1,5 Millioune Kilometer Distanz vun der \u00c4erd zur Sonn confirm\u00e9iert.”<\/p>\n

De Plasmaphysiker Jan Egedal<\/a> vun der University of Wisconsin huet d’Behaaptungen den 13. Mee 2024 als “Ons\u00ebnn” bezeechent a b\u00e4igef\u00fc\u00fcgt: “D’HAARP-Anlag huet net emol de Brochdeel un Energie, d\u00e9i fir d’Produktioun vu Polarliichter n\u00e9ideg ass.”<\/p>\n

Wat si Polarliichter?<\/p>\n

Polarliichter<\/a> entstinn, wann energier\u00e4ich, gelueden Deelercher vun der Sonn a Form vu Sonnewand d’\u00c4erd erreechen a mat Gasmolek\u00fcllen an der ieweschter Atmosph\u00e4r interag\u00e9ieren<\/a>.<\/p>\n

Wann d’Deelercher op d’\u00c4erd zoufl\u00e9ien<\/a>, treffe se op de Rand vun der Magn\u00e9itosph\u00e4r<\/a> – d’Magn\u00e9itfeld vum Plan\u00e9it -, d\u00e9i se normalerweis an d’Richtung vun de Pole guid\u00e9iert. Do treffe se a Wiesselwierkung mat der \u00c4erdatmosph\u00e4r a gi Liicht of. Dob\u00e4i entsteet Stralung vu verschiddene Wellel\u00e4ngten, d\u00e9i d’Faarwe vu Polarliichter fabriz\u00e9ieren.<\/p>\n