{"id":371836,"date":"2024-11-21T13:00:20","date_gmt":"2024-11-21T13:00:20","guid":{"rendered":"https:\/\/belux.edmo.eu\/?p=371836"},"modified":"2024-11-25T11:50:30","modified_gmt":"2024-11-25T11:50:30","slug":"rtl-faktencheck-erneierbar-energien-energie-vs-stroumverbrauch","status":"publish","type":"post","link":"https:\/\/belux.edmo.eu\/lb\/rtl-faktencheck-erneierbar-energien-energie-vs-stroumverbrauch\/","title":{"rendered":"RTL-Faktencheck: Erneierbar Energien: Energie- vs Stroumverbrauch"},"content":{"rendered":"
\n
\n
\n

\u00a9 Christophe Hochard<\/b><\/p>\n<\/div>\n

\n

Den ADR-Deput\u00e9ierte Fred Keup huet RTL a sengem Face-\u00e0-Face mam K\u00ebnschtler Serge Tonnar falsch Informatioune virgeh\u00e4it, wat den Undeel vun den erneierbaren Energien ugeet. Hien huet sech dob\u00e4i op den Interview mam Paul Zeimet vun der Firma Soler bezunn.<\/p>\n

De Fred Keup sot: “Et ass eng interessant Ausso, fir ze soen, dass d’Medien do sinn, fir ze kontroll\u00e9ieren, wat d’Fakte sinn. Also ech g\u00e9if dat awer relativ\u00e9ieren. Ech mengen, mir haten nach g\u00ebschter, ech w\u00ebll awer elo net iech hei eng Kritik maachen direkt, m\u00e4 g\u00ebschter um RTL ass et iwwert d’Wandenergie gaangen an do war, ech hu souguer erausgedr\u00e9ckt iergendwou, et ass gesot ginn, 21 Prozent vun eisem nationalen Energieverbrauch komme vun Solar an vun a Wandenergie an an dat ass, dat ass zum Beispill definitiv, faktesch gesi, ganz falsch. Et l\u00e4it bei ee bis zwee Prozent vun der Produktioun. Also dat ass, ech w\u00ebll just soen, also Dir hutt vill, vill Plazen, wou et net onbed\u00e9ngt \u00ebmmer sou gesot g\u00ebtt, w\u00e9i et ass och, och bei deene Medien.<\/em>”<\/p>\n

Dem Fred Keup verwiesselt also Verbrauch a Produktioun a vergl\u00e4icht den Undeel vun den erneierbaren Energien emol mat deem engen, emol mat deem aner W\u00e4ert. Seng Ausso, datt Solar- a Wandenergie ee bis zwee Prozent vun der Produktioun ausmaachen, ass dow\u00e9inst falsch.<\/p>\n

Den Zuelen aus dem nationalen Energie- a Klimaplang (Pnec*) no louch den Undeel vun der Wandenergie an der Fotovoltaik d\u2019lescht Joer bei jeeweils ronn engem Dr\u00ebttel vun der nationaler Produktioun vun erneierbarem Stroum.<\/p>\n

Datt se 21 Prozent vum nationalen Energieverbrauch ofdecken, ass och falsch. Eisen Invit\u00e9, deen aus der Stroumbranche k\u00ebnnt, huet sech a sengen Aussoen op de Stroumverbrauch bezunn, w\u00e9i e nom Undeel am Energieverbrauch gefrot gi war. Nom Interview hat d\u2019Redaktioun scho versicht, aner Zuelen, d\u00e9i live op Antenn genannt goufen, fir eisen Internetsite ze korrig\u00e9ieren. D\u00ebst gouf ant\u00ebscht op eisem Internetsite verbessert.<\/p>\n

Wou k\u00ebnnt d’Konfusioun hir?\u00a0<\/strong><\/p>\n

\"RTL\" D\u00ebsen Tableau weist d\u00e9i national Produktioun vun erneierbarem Stroum an de nationale Stroumverbrauch. 2023 goufen deemno 21 Prozent vum Stroumverbrauch duerch gr\u00e9nge Stroum Made in Luxembourg gedeckt. \u00a0 \/ \u00a9 Illustratioun Tableau 26 an Tableau 7 aus dem Pnec.<\/p>\n

Energie- a Stroumverbrauch sinn am Pnec net dat n\u00e4mlech. Zum Energieverbrauch g\u00ebtt all Energie gezielt. \u00cbnnert anerem och den Bensinn an den Diesel aus dem Tanktourismus. D\u2019Klimazil am Pnec ass, bis 2030 37 Prozent vun dem Energieverbrauch mat erneierbarer Energie ze decken. Fir d\u00ebst Zil z\u2019erreechen, muss awer net all erneierbar Energie zu L\u00ebtzebuerg selwer produz\u00e9iert ginn. L\u00ebtzebuerg kann och Projeten an anere L\u00e4nner finanz\u00e9ieren, d\u00e9i hei ugerechent ginn. Am Jargon heescht dat “statistesch Transferten”. Am Verglach mat d\u00ebsem globalen Energieverbrauch maache Solar- a Wandenergie d\u2019lescht den Zuelen aus dem Pnec no t\u00ebscht dr\u00e4i a v\u00e9ier Prozent aus.<\/p>\n

Am Pnec g\u00ebtt och Klimaziler fir eenzel Secteuren. Wat de Stroumverbrauch ugeet, also wierklech just de Stroum, ass d\u2019Zil, bis 2030 ronn 39 Prozent mat erneierbarem Stroum ze decken. D\u2019lescht Joer goufen schonn 21 Prozent vum nationale Stroumverbrauch mat gr\u00e9ngem Stroum gedeckt, deen zu L\u00ebtzebuerg produz\u00e9iert gouf.<\/p>\n

*Am Pnec ass d\u00e9i national Klimastrategie festgeluecht. Et ass dat Dokument, an deem d\u2019Klimaziler defin\u00e9iert sinn. Dat heescht, d\u2019Ziler fir den Energieverbrauch ze reduz\u00e9ieren a fir den Undeel u fossillen Energie an deem Verbrauch duerch erneierbar Energien ze ersetzen. Dat fir d\u2019Z\u00e4regasemissiounen ze reduz\u00e9ieren.\u00a0<\/em><\/p>\n

** D\u2019Journalistin hat sech live op Antenn verschwat, wat d\u2019Klimazil ugeet. Mir hunn d\u00ebst am Beitrag, deen hei um Site ze lauschteren ass, korrig\u00e9iert.\u00a0<\/em><\/p>\n

Links<\/p>\n