{"id":376635,"date":"2024-12-24T08:00:47","date_gmt":"2024-12-24T08:00:47","guid":{"rendered":"https:\/\/belux.edmo.eu\/?p=376635"},"modified":"2024-12-24T09:37:33","modified_gmt":"2024-12-24T09:37:33","slug":"faktencheck-eu-parlament-huet-selenskyj-applaudiert-net-winst-notzung-vun-us-rakiten-duerch-dukrain","status":"publish","type":"post","link":"https:\/\/belux.edmo.eu\/lb\/faktencheck-eu-parlament-huet-selenskyj-applaudiert-net-winst-notzung-vun-us-rakiten-duerch-dukrain\/","title":{"rendered":"Faktencheck: EU-Parlament huet Selenskyj applaud\u00e9iert \u2013 net w\u00e9inst Notzung vun US-Rak\u00e9iten duerch d’Ukrain"},"content":{"rendered":"
\n
\n

D’Europ\u00e4esch Unioun \u00ebnnerst\u00ebtzt d’Ukrain g\u00e9int de russeschen Ugr\u00ebffskrich.<\/strong><\/p>\n<\/div>\n

\n

Am November 2024 gouf a Sozialen Netzwierker e Video vun Deput\u00e9ierte vum Europ\u00e4esche Parlament gedeelt, d\u00e9i groussen Applaus ginn hunn. An deem Video g\u00ebtt behaapt, si g\u00e9ife w\u00e9inst der Entscheedung applaud\u00e9ieren, dass d’Ukrain amerikanesch Rak\u00e9iten op Ziler a Russland sch\u00e9issen dierft.<\/p>\n

A Wierklechkeet war den Applaus am Video awer fir Ried vum Wolodymyr Selenskyj, d\u00e9i hie w\u00e4rend enger Participatioun un enger ausseruerdentlecher Parlamentss\u00ebtzung gehalen hat. D’Entscheedung fir d’Notze vun amerikanesche Rak\u00e9ite g\u00ebtt doran awer net ernimmt.<\/p>\n

“Onvirstellbar! Applaus a Standing Ovations am EU-Parlament fir d’Notzungsgeneemegung vun amerikanesche Rak\u00e9iten”, heescht et an der Beschreiwung vun engem Video an engem Telegram-B\u00e4itrag<\/a> vum 20. November 2024. De Video weist Deput\u00e9iert aus dem Europ\u00e4esche Parlament, w\u00e9i si opgestane sinn, fir ze applaud\u00e9ieren, w\u00e4rend den ukrainesche President Wolodymyr Selenskyj op enger Leinwand ze gesinn ass.<\/p>\n

De Video gouf mat d\u00ebser Behaaptung och op de Plattformen X<\/a> a Facebook<\/a> souw\u00e9i an diverse Sproochen, dor\u00ebnner Englesch<\/a>, Spuenesch<\/a> an Ungaresch<\/a>, gedeelt.<\/p>\n

\"RTL\"<\/p>\n

De 17. November 2024 hunn d’USA Kiew den Accord ginn<\/a>, amerikanesch ATACMS-Rak\u00e9iten (Army Tactical Missile System) g\u00e9int milit\u00e4resch Ziler a Russland anzesetzen. M\u00e9i sp\u00e9it huet de Kreml confirm\u00e9iert, dass russesch Ziler mat d\u00ebsem Waffesystem getraff goufen an huet e Vergeltungsschlag<\/a> ugek\u00ebnnegt. D’Reaktioun vun D\u00e4itschland<\/a> war, weiderhin H\u00ebllefen zouzes\u00e9cheren an huet 4000 Drone mat enger m\u00e9i grousser Reechw\u00e4it geliwwert, wat awer schonn am Juni 2024 annonc\u00e9iert gi war.<\/p>\n

Selenskyj huet virum EU-Parlament geschwat<\/strong><\/p>\n

Den 13 Sekonne laange Video, deen am Internet gedeelt g\u00ebtt, sch\u00e9ngt e S\u00ebtzungssall vum Europ\u00e4esche Parlament mat F\u00e4ndele vun EU-Memberstaaten ze weise souw\u00e9i Deput\u00e9iert, d\u00e9i mat Bl\u00e9ck op den ukrainesche President Wolodymyr Selenskyj op enger Leinwand applaud\u00e9ieren. Am Ufank ass ausserdeem z’erkennen, dass d’Opname vun der S\u00ebtzplaz 647 aus gemaach goufen. Dem S\u00ebtzplang<\/a> vum Plenarsall<\/a> vum Europ\u00e4esche Parlament no s\u00ebtzt hei den d\u00e4itschen EU-Deput\u00e9ierten Tomasz Froelich<\/a> vun der AfD.<\/p>\n

Den Originalvideo gouf den 19. November 2024 op dem Froelich sengem Kont bei X publiz\u00e9iert<\/a> (hei<\/a> archiv\u00e9iert). A sengem B\u00e4itrag huet de Politiker net geschriwwen, dass de B\u00e4ifall fir d’Ofschossgeneemegung vun US-Rak\u00e9iten duerch d’Ukrain op Ziler a Russland geg\u00ebllt huet. Hien huet awer kritis\u00e9iert, dass d’Europ\u00e4escht Parlament de Selenskyj \u00ebnnerst\u00ebtzt an dass d’USA gr\u00e9ng Luucht fir d’Notzung vun hire Rak\u00e9ite g\u00e9int Ziler a Russland ginn hunn.<\/p>\n

Eng \u00ebmgek\u00e9iert Billersich<\/a> no Standbiller vum Video huet zu engem \u00e4nleche Video<\/a> gef\u00e9iert, dee vun enger anerer S\u00ebtzplaz aus opgeholl an de selwechten Dag vun der Mina Andreeva, Spriecherin vun der Parlamentspresidentin Roberta Metsola, publiz\u00e9iert gi war (hei<\/a> archiv\u00e9iert). Am B\u00e4itrag mam Video hat d’Andreeva geschriwwen: “1.000 Deeg laang hunn d’Leit an der Ukrain der Welt gewisen, w\u00e9i wierklech Daperkeet ausges\u00e4it. Si sinn opgestanen an hu sech geweigert, opzeginn. Hiert Vollek ass eng Inspiratioun fir jiddereen, deen d’Fr\u00e4iheet op der ganzer Welt sch\u00e4tzt.<\/em>” Och de polneschen onofh\u00e4ngegen Deput\u00e9ierte \u0141ukasz Kohut<\/a> huet e Video<\/a>, deen d\u00ebs Zeen weist, gedeelt (hei<\/a> archiv\u00e9iert).<\/p>\n

Den 19. November 2024 huet de Selenskyj iwwer Livestream eng Ried<\/a> w\u00e4rend enger ausseruerdentlecher Plenars\u00ebtzung<\/a> vum Europ\u00e4esche Parlament zum 1.000. Dag z\u00ebnter der russescher Attack op d’Ukrain gehalen (hei<\/a> archiv\u00e9iert). E puer Europadeput\u00e9iert sinn um Enn opgestanen, fir dem Selenskyj ze applaud\u00e9ieren (am Video circa ab Minutt 12:10<\/a>, hei<\/a> archiv\u00e9iert).<\/p>\n