{"id":391095,"date":"2025-03-20T14:00:06","date_gmt":"2025-03-20T14:00:06","guid":{"rendered":"https:\/\/belux.edmo.eu\/?p=391095"},"modified":"2025-03-21T11:17:33","modified_gmt":"2025-03-21T11:17:33","slug":"faktencheck-investment-fong-blackrock-huet-panamakanal-net-opkaf","status":"publish","type":"post","link":"https:\/\/belux.edmo.eu\/lb\/faktencheck-investment-fong-blackrock-huet-panamakanal-net-opkaf\/","title":{"rendered":"Faktencheck: Investment-Fong BlackRock huet Panamakanal net opkaf"},"content":{"rendered":"
\n
\n

No enger Rei vun ierf\u00e9ierenden \u00c4usserunge vum US-President Donald Trump iwwer de Panamakanal gouf a Sozialen Netzwierker behaapt, den amerikaneschen Investmentgigant BlackRock h\u00e4tt d’Waasserstrooss duerch e Milliarden-Deal acquer\u00e9iert. Dat st\u00ebmmt awer net.<\/p>\n<\/div>\n

\n

BlackRock ass de gr\u00e9isste Participant vun engem Investorekonsortium, dee sech bereet erkl\u00e4ert huet, H\u00e4fen op b\u00e9iden Enner vum Passage fir d’Sch\u00ebfffaart ze kafen, awer de Kanal selwer bleift \u00ebnnert der Zoust\u00e4nnegkeet vun de panamaeschen Autorit\u00e9iten.<\/p>\n

“BlackRock huet grad de Panamakanal opkaf, a kee schw\u00e4tzt doriwwer”, seet eng St\u00ebmm am Ufank vun engem TikTok-Video<\/a> vum 6. M\u00e4erz 2025. “BlackRock, d\u00e9i m\u00e4chtegst Private-Equity-Firma op der Welt, huet grad d’Kontroll iwwer… de wichtegste Sch\u00ebfffaartswee vun der westlecher Hemisph\u00e4r iwwerholl.”<\/p>\n

\"RTL\" \u00a9 AFP<\/p>\n

\"RTL\" \u00a9 AFP<\/p>\n

En X-Kont, deen de Video gedeelt huet, huet geschriwwen<\/a>: “Dank dem Trump geh\u00e9iert de Panamakanal elo zum Verm\u00e9ige vu BlackRock”.<\/p>\n

\u00c4nlech B\u00e4itr\u00e4g, d\u00e9i weider Detailer vum Ofkommes beinhalten oder op Norichtenartikele mat akkuraten Informatioune verlinken, hu sech nieft X<\/a> och op Threads<\/a> verbreet. D’Behaaptung war och op Spuenesch<\/a> am \u00cbmlaf.<\/p>\n

Z\u00ebnter senger zweeter Wiel zum amerikanesche President huet den Trump \u00ebmmer nees behaapt<\/a>, dass China de Panamakanal kontroll\u00e9iert an domat eng potenziell S\u00e9cherheetsbedroung fir d’Vereenegt Staaten duerstelle g\u00e9if. Hien huet och behaapt<\/a>, dass de Kanal ze h\u00e9ich Taxe fir Sch\u00ebffer \u00ebnner amerikaneschem F\u00e4ndel erhieft, an ugedeit<\/a>, dass d’USA versiche k\u00e9inten, de Kanal “zer\u00e9ckzeerueweren”, deen am Kader vun engem Ofkommes vun 1977 u Panama iwwergi gouf.<\/p>\n

A senger Ried de 4. M\u00e4erz virum versammelte Kongress<\/a> huet den Trump eng weider K\u00e9ier gemengt: “Meng Regierung w\u00e4ert de Panamakanal zer\u00e9ckfuerderen, a mir hu schonn domat ugefaangen.”<\/p>\n

D\u00ebs \u00c4usserung huet eng s\u00e9ier Reaktioun<\/a> vu panamaesche President Jos\u00e9 Ra\u00fal Mulino ervirgeruff, dee sot<\/a>, dass den amerikanesche Regierungschef “litt” an dass de wichtegste Sch\u00ebfffaartswee \u00ebnner panamaescher Souver\u00e4nit\u00e9it bleift.<\/p>\n

De selwechten Dag w\u00e9i dem Trump seng Ried huet d’Entreprise CK Hutchison Holdings Limited<\/a>, d\u00e9i zu Hongkong s\u00ebtzt, bekannt ginn, dass se d’Majorit\u00e9it un enger Duechtergesellschaft, d\u00e9i 43 H\u00e4fen an 23 L\u00e4nner bedreift, dor\u00ebnner zwee am Panamakanal, un e vu BlackRock gef\u00e9ierten Investorekonsortium verkeeft. D’Verkeefer kr\u00e9ie knapp 19 Milliarden Dollar<\/a> iwwerwisen.<\/p>\n

D’Entreprise Hutchison sot, den Deal w\u00e4r gesch\u00e4ftlech an net politesch motiv\u00e9iert.<\/p>\n

“Ech w\u00ebll betounen, dass d’Transaktioun reng kommerzieller Natur ass an n\u00e4ischt mat de j\u00e9ngste politesche Meldungen iwwer d’H\u00e4fen am Panamakanal ze dinn hunn”, sot de Co-Gerant Frank Sixt an engem Statement<\/a> (hei<\/a> archiv\u00e9iert).<\/p>\n

“Mir hunn de Panamakanal net kaf”<\/p>\n

Op enger Energiekonferenz zu Houston, Texas, den 10. M\u00e4erz sot de CEO vu BlackRock Larry Fink, dass d’Meldungen iwwer d’Iwwernam vum Kanal duerch seng Entreprise falsch w\u00e4ren.<\/p>\n

“Meng Kanner hu mech ugeruff a gefrot: ‘BlackRock huet de Panamakanal kaf, k\u00ebnne mir duerchfueren?’ An ech sot: ‘Mir hunn de Panamakanal net kaf'”, sot de Fink engem Interviewer op engem Event vu CNBC<\/a>, dat op YouTube<\/a> gestreamt gouf (hei<\/a> an hei<\/a> archiv\u00e9iert).<\/p>\n

De Fink huet b\u00e4igef\u00fc\u00fcgt, dass Panama just zwee vu m\u00e9i w\u00e9i 40 H\u00e4fen duerstelle g\u00e9if, d\u00e9i am Kader vun der Transaktioun acquer\u00e9iert gi w\u00e4ren.<\/p>\n