{"id":393483,"date":"2025-03-30T12:21:51","date_gmt":"2025-03-30T12:21:51","guid":{"rendered":"https:\/\/belux.edmo.eu\/?p=393483"},"modified":"2025-04-01T14:11:51","modified_gmt":"2025-04-01T14:11:51","slug":"faktencheck-hlleft-deeglecht-vitaminn-d-anhuelen-fir-ville-krankheete-virzebeugen","status":"publish","type":"post","link":"https:\/\/belux.edmo.eu\/lb\/faktencheck-hlleft-deeglecht-vitaminn-d-anhuelen-fir-ville-krankheete-virzebeugen\/","title":{"rendered":"Faktencheck: H\u00eblleft deeglecht Vitaminn-D-Anhuelen, fir ville Krankheete virzebeugen?"},"content":{"rendered":"
\n
\n
\n

\u00a9 AFP Symbolbild<\/b><\/p>\n<\/div>\n

\n

Vitaminn D ass fir d’Gesondheet vun de Schanken onerl\u00e4sslech a spillt och bei der normaler Funktioun vum Immunsystem am Kierper allgemeng eng Roll. A Sozialen Netzwierker behaapte vill Intenetnotzer – virun allem Naturopathen – reegelm\u00e9isseg, dass deeglecht Anhuele vu Vitaminn D de Risiko fir eng ganz R\u00ebtsch vu Krankheeten, dor\u00ebnner Kriibs oder H\u00e4erz-Kreeslaf-Erkrankungen, reduz\u00e9iere g\u00e9ing. D\u00ebs Behaaptunge sinn awer net beluecht an d’Gesondheetsautorit\u00e9ite recommand\u00e9iere keng Narungserg\u00e4nzung fir Erwuessener.<\/p>\n

A Sozialen Netzwierker behaapte vill Notzer – virun allem Naturopathen<\/a> -, dass “80 Prozent vun den Erwuessenen e Vitaminn-D-Mangel hunn” an dohier all Dag Vitaminn-D-Preparater anhuele sollten, woub\u00e4i si dacks d’Gelee\u00ebnheet notzen, fir Reklamm fir Narungserg\u00e4nzungsm\u00ebttel ze maachen.<\/p>\n

Si behaapten, dass Vitaminn D net just d’Schanken, mee och d’Immunit\u00e9it st\u00e4erkt an d’deeglecht Anhuelen de Risiko vu Kriibs, H\u00e4erz-Kreeslaf-Erkrankungen a souguer Depressioune reduz\u00e9iere kann.<\/p>\n

D’Effikassit\u00e9it vu Vitaminn D, ofgesi vun de Schanken, ass awer net erwisen, a souguer wann et an der Bev\u00eblkerung e Mangel g\u00e9if, recommand\u00e9ieren offiziell Institutioune keng generell Narungserg\u00e4nzung.<\/p>\n

Wat ass Vitaminn D?<\/p>\n

Vitaminn D ass d’Virstuf vum Hormon Calcitriol a g\u00ebtt an der Haut duerch d’Awierke vun UVB-Strale syntheetis\u00e9iert. Et ass och a verschiddene Liewensm\u00ebttel w\u00e9i F\u00ebsch a M\u00ebllechprodukter dran.<\/p>\n

Vitaminn D ass “essentiel fir de Stoffwiessel vu Kalzium a Phosphor”, sou de frans\u00e9ische Service Public d’Information en Sant\u00e9 op senger Internets\u00e4it<\/a>, well et “am Daarm d’Ophuele vun d\u00ebse Mineraler erh\u00e9icht an hir Ausscheedung am Urin verr\u00e9ngert, wouduerch d’Mineralis\u00e9ierung vu Schanken an Z\u00e4nn gef\u00ebrdert g\u00ebtt” (Link hei<\/a> archiv\u00e9iert).<\/p>\n

Et spillt also eng weesentlech Roll “fir d’Qualit\u00e9it vum Schanken- a Muskelgeweebe souw\u00e9i fir d’St\u00e4erke vun eisem Immunsystem”, erkl\u00e4ert d’frans\u00e9isch Agence fir Liewensm\u00ebttel (l’Agence nationale de s\u00e9curit\u00e9 sanitaire de l’alimentation; Anses). An awer “h\u00eblt d’Majorit\u00e9it vun de Fransousen net genuch dovun zou sech”, raumt d’Agence op hirer Internets\u00e4it<\/a> an (Link hei<\/a> archiv\u00e9iert).<\/p>\n

Bei best\u00ebmmte Bev\u00eblkerungsgruppe besteet de Risiko vun enger \u00cbnnerversuergung oder souguer vun engem Mangel, firwat et s\u00ebnnvoll ass, Vitaminn-D-Erg\u00e4nzungen a Form vu Medikamenter ze verschreiwen, z.B. fir Puppelcher oder eeler M\u00ebnschen, fir d\u00ebse Mangel auszegl\u00e4ichen.<\/p>\n

Well Vitaminn D fir de Wuesstem vu Schanken onerl\u00e4sslech ass, g\u00ebtt et bei Kanner “ab den \u00e9ischte Liewensdeeg verschriwwen, fir Rachitis, enger Kr\u00e4nkt, d\u00e9i de Wuesstem an d’Schankebildung reduz\u00e9iert, virzebeugen”, erkl\u00e4ert d’Anses<\/a> (Link hei<\/a> archiv\u00e9iert). D\u00ebs Narungserg\u00e4nzung muss “w\u00e4rend der ganzer Wuesstemsphas an der Mineralis\u00e9ierung vun de Schanken, d.h. bis zum Alter vun 18 Joer,” ageholl ginn.<\/p>\n

Bei Erwuessenen ass den optimale Vitaminn-D-Spigel dacks G\u00e9igestand vun Debatten.<\/p>\n

Fir aktiv\u00e9iert ze ginn, muss Vitaminn D fir d’\u00e9ischt an der Liewer an 25-Hydroxycholecalciferol oder Calcidiol (Form, d\u00e9i a Blutttester gemooss g\u00ebtt) \u00ebmgewandelt ginn an dann er\u00ebm hydroxyl\u00e9iert ginn, besonnesch an der Nier an 1,25-Dihydroxychol\u00e9calciferol oder Calcitriol (d’aktiv Form).<\/p>\n

Besonnesch g\u00ebtt an der allgemenger Bev\u00eblkerung eng Calcidiolkonzentratioun am Blutt vu m\u00e9i w\u00e9i 20 ng\/ml als “suffisant” ugesinn, w\u00e9i de Service Public d’Information en Sant\u00e9 (SPIS)<\/span> erkl\u00e4ert.<\/p>\n

Der nationaler Gesondheetset\u00fcd Esteban no weise “35 Prozent vun der Bev\u00eblkerung eng Defizienz op, vun deene 6,5 Prozent eng Karenz (e Mangel) opweisen, d.h. e Status \u00ebnner 10 ng\/mL”, erkl\u00e4ert d’M\u00e9lanie Deschasaux<\/a>, Fuerscherin am Ber\u00e4ich Ern\u00e4rungsepidemiologie (Link hei<\/a> archiv\u00e9iert). Dat entspr\u00e9cht net den am Internet dacks genannten “80 Prozent”.<\/p>\n

D’Konditioune vun der Narungserg\u00e4nzung<\/p>\n

“De Vitaminn-D-Defizit ass e Problem vun der \u00ebffentlecher Gesondheet”, raumt den Aymeric Dopter<\/a>, Chef vum Departement fir Risikobew\u00e4ertung am Zesummenhang mat Ern\u00e4rung bei der Anses (Link hei<\/a> archiv\u00e9iert), an.<\/p>\n

An awer g\u00ebtt e supplemetaart Anhuele vu Vitaminn D bei Erwuessenen net systematesch recommand\u00e9iert.<\/strong><\/p>\n

“Bei Erwuessene g\u00ebtt et keng Recommandatioun fir e supplement\u00e4ert Anhuele vu Vitaminn D, am G\u00e9igesaz zu Kanner, bei deenen de Vitaminn eng entscheedend Roll fir de Wuesstem spillt”, seet den Dopter.<\/p>\n

Aus d\u00ebsem Grond g\u00ebtt d’Best\u00ebmme vu Vitaminn D just a sechs klinesche Situatioune recommand\u00e9iert a vun der (frans\u00e9ischer) Krankevers\u00e9cherung iwwerholl<\/a> (Link hei<\/a> archiv\u00e9iert):<\/p>\n