{"id":393630,"date":"2025-04-02T17:30:14","date_gmt":"2025-04-02T17:30:14","guid":{"rendered":"https:\/\/belux.edmo.eu\/?p=393630"},"modified":"2025-04-04T16:13:27","modified_gmt":"2025-04-04T16:13:27","slug":"rtl-faktencheck-ginn-di-blo-valorlux-tute-mam-normalen-dreck-an-den-uewe-gehit","status":"publish","type":"post","link":"https:\/\/belux.edmo.eu\/lb\/rtl-faktencheck-ginn-di-blo-valorlux-tute-mam-normalen-dreck-an-den-uewe-gehit\/","title":{"rendered":"RTL-Faktencheck: Ginn d\u00e9i blo Valorlux-Tute mam normalen Dreck an den Uewe geh\u00e4it?"},"content":{"rendered":"
\n
\n
\n

An de soziale Medie m\u00e9cht d\u00ebs Ausso \u00ebmmer nees den Tour: D\u00e9i blo Valorlux-Tuten landen an de Verbrannungsanlagen, fir d’Feier besser um Brennen ze halen.<\/b><\/p>\n<\/div>\n

\n

Am Kader vum internationalen Faktencheck-Dag hu mer eis User opgeruff, fir eis Sujeten eranzesch\u00e9cken, d\u00e9i si g\u00e4r vun der RTL-Faktencheck-Redaktioun iwwerpr\u00e9ift h\u00e4tten.<\/p>\n

Vun de villen Ufroen, d\u00e9i mer kruten, hu mer eis an enger \u00e9ischter Linn dofir decid\u00e9iert, ze prob\u00e9ieren, Sujeten, d\u00e9i op de Grand-Duch\u00e9 bezu sinn, nozegoen. Eng vun den Ufroen huet sech mam Recycling a m\u00e9i pr\u00e4zis mat de Valorlux-Tute besch\u00e4ftegt. D\u00ebs Rumeur m\u00e9cht schonn zanter Joren \u00ebmmer er\u00ebm den Tour an de soziale Medien:<\/p>\n

“Blo Valorlux-Tute gi mam ‘normalen’ Dreck an den Uewe geheit, well den normalen Dreck soss net gutt g\u00e9if verbrennen. En plus, kann een n\u00e4ischt mat de Plastiksfl\u00e4schen uf\u00e4nken, well de Plastik faarweg ass!<\/em>”<\/p>\n

Valorlux-Tuten zanter 29 Joer am \u00cbmlaf<\/p>\n

A ville St\u00e9it uechter d\u2019Land g\u00ebtt fl\u00e4isseg getrennt, \u00e9ier d\u00e9i blo Tuten all zwou Wochen agesammelt ginn. Zanter 29 Joer sinn d’Tute vun der Valorlux am \u00cbmlaf. All m\u00e9iglech Verpackungen aus Plastik an Aluminium reesen am bloe Sack duerch d\u2019L\u00e4ndchen, \u00e9ier se \u2013 exklusiv – zu Bech-Klengmaacher getrennt ginn, erkl\u00e4ert den Tobias Wilhelm, de Responsabele fir Dechete beim Hein. Hie schafft zanter 23 Joer op der Musel: “D’lescht Joer hu mer d\u00e9i 14 Tonne bei de bloen Tuten d\u00e9i \u00e9ischte K\u00e9ier iwwerschratt. Et gi m\u00e9i Leit a gl\u00e4ichz\u00e4iteg g\u00ebtt m\u00e9i Verpackung a m\u00e9i Plastik consomm\u00e9iert<\/em>.”<\/p>\n

\"RTL\" \u00a9 Arnaud Serexhe<\/p>\n

De Wuesstem beim Offall ass m\u00e9i h\u00e9ich w\u00e9i dee bei der Populatioun. Zwar g\u00ebtt och m\u00e9i recycl\u00e9iert an awer kl\u00ebmmt d\u2019Quantit\u00e9it u recycl\u00e9ierbarem Offall fir d\u00e9i blo Tut all Joer \u00ebm 5 Prozent.<\/p>\n

An iwwer z\u00e9ng verschidde Kategori\u00eb g\u00ebtt getrennt<\/p>\n

Am Minuttentakt kommen zu de Sp\u00ebtzenz\u00e4iten d\u2019Camionen zu Bech-Klengmaacher un, fir entlueden ze ginn. Duerch d\u2019Press am Won ka quasi dr\u00e4i Mol esou vill transport\u00e9iert ginn, w\u00e9i an engem normalen Transport. Op der Plaz g\u00ebtt Luedung fir Luedung op ee Kilometer u Lafb\u00e4nner eropgesch\u00ebppt. D\u2019Material g\u00ebtt komplett mechanesch getrennt: Ofgesift, lassgeklappt, ofgesuckelt. D\u2019Maschinnen detekt\u00e9ieren d\u00e9i verschidde Materialie gr\u00e9isstendeels automatesch. No der Trennung \u2013 an iwwer 10 verschidde Kategorien \u2013 k\u00ebnnt d\u2019Material an d\u2019Press, \u00e9ier et da bei d\u2019Spezialisten an d\u2019Ausland geet, esou den Tobias Wilhelm: “Mir hunn am Fong fir all Material eng spezialis\u00e9iert Fili\u00e8re, d\u00e9i dat Material unhuele kann. W\u00e4sche, Schredderen, agglomer\u00e9ieren, etc.”<\/em><\/p>\n

Bis zu 15 Prozent vun Inhalt vun de Valorlux-Tute kann net recycl\u00e9iert ginn<\/p>\n

M\u00e4 w\u00e9i steet et elo \u00ebm d\u2019Ausso, d\u00e9i een dacks online ze liese kritt, datt d\u00e9i blo Valorlux-Tuten awer \u00ebmmer nees bei der Verbrennungsanlag lande sollen. Mir hunn um Belval beim Direkter vu Valorlux Claude Turping nogefrot: “Dat wat st\u00ebmmt, an do k\u00ebnnt dat dote warscheinlech hier, ass, datt nodeems d\u00e9i blo Tut sort\u00e9iert ginn ass, bleift en Deel, dee l\u00e4it t\u00ebscht 10 a 15 Prozent, do leien, well en net recyclabel ass. Dat si Multi-Plastiker, dat si Plastiker mat Schichten drop, dat si schwaarz Plastiker: d\u00e9i sinn net recyclabel. <\/em><\/p>\n

Les photos diffus\u00e9es sur ce site sont soumises \u00e0 des droits d\u2019auteurs et ne peuvent \u00eatre copi\u00e9es, modifi\u00e9es, vendues, sans l\u2019autorisation pr\u00e9alable du propri\u00e9taire du site en question.<\/i><\/p>\n

Ma och d\u00ebs Produite landen net an der normaler Verbrennungsanlag, esou de Claude Turmping: “<\/em>D\u00e9i ginn duerno opbereet, ginn an Asazbrennstoff transform\u00e9iert a ginn zu L\u00ebtzebuerg an der Zementindustrie agesat an als Gas-Ersatz verbrannt. Dat ass eng thermesch Revaloris\u00e9ierung. Et ass awer elo net esou, ew\u00e9i wann d\u00e9i Produiten oder ebe ganz blo Tute benotzt ginn, fir eng Dechet-Verbrennungsanlag ew\u00e9i d\u00e9i zu Leideleng ew\u00e9i d\u00e9i, d\u00e9i vu Sidor bedriwwe g\u00ebtt, ze befeieren. Dat st\u00ebmmt net.<\/em>”<\/p>\n

Wat faarweg Plastiksfl\u00e4schen ugeet, ginn d\u00ebs recycl\u00e9iert, wa se net schwaarz sinn oder eng extra faarweg Foliebeschichtung drop hunn.<\/p>\n

Verschidde Bierger notze blo Tuten fir an d\u00e9i schwaarz Poubelle<\/p>\n

D\u00e9i blo Tute kritt ee virun allem gratis vu senger Gemeng zur Verf\u00fcgung gestallt. \u00cbmmer nees k\u00ebnnt et dozou, datt d\u2019Leit se als Ersatz fir hir bezuelte schwaarz Tutue fir den Haushaltsoffall benotzen a se sou\u00a0 duerno net do landen, wou se am Fong higeh\u00e9ieren, m\u00e4 an d\u00e9i schwaarz Poubelle geh\u00e4it ginn an esou de Wee an d’Verbrennungsanlag fannen.<\/p>\n

L\u00ebtzebuerg l\u00e4it beim Recycling am M\u00ebttelfeld<\/p>\n

L\u00ebtzebuerg l\u00e4it bei der Quantit\u00e9it vun deem, wat recycl\u00e9iert g\u00ebtt, iwwregens am gudde M\u00ebttelfeld, esou de Claude Turping: “Elo kann ee soen, dat ass awer net ganz gutt. M\u00e4 et muss een och festhalen, datt mer zu L\u00ebtzebuerg iwwer 200.000 Frontalieren hunn, d\u00e9i och verschidde Produiten zu L\u00ebtzebuerg kafen, well se hei m\u00e9i b\u00eblleg sinn an d\u00e9i mat eriwwerhuelen. Dofir ass et m\u00e9i kompliz\u00e9iert Quote vu L\u00e4nner z’erreechen, d\u00e9i zum Beispill m\u00e9i e groussen Import hunn.<\/em>”<\/p>\n

Fazit: Blo Tuten, d\u00e9i fir de Recycling genotzt ginn, landen net an der Verbrennungsanlag<\/p>\n

U sech landen d\u00e9i blo Tuten net an der Verbrennungsanlag, m\u00e4 si kommen an en Zenter, wou se de Materialien no sort\u00e9iert ginn. D\u00ebs Materialie ginn an iwwer 10 Kategorien opgedeelt a kommen dono a spezialis\u00e9iert Recyclingsanlagen an d’Ausland. An awer: Net all d’Material, wat d’Bierger an d\u00ebs Tute geheien, geh\u00e9iert och dran, dor\u00ebnner schwaarze Plastik oder Chipstuten. D\u00ebs ginn aussort\u00e9iert an net recycl\u00e9iert, m\u00e4 an Asazbrennstoff \u00ebmgewandelt, fir an der Zementindustrie an den Asaz ze kommen.<\/p>\n

Well awer och verschidde Bierger d’Valorlux-Tuten notzen, fir hiren Haushaltsoffall dranzegeheien a se dono an der schwaarzer Poubelle entsuergen, landen d\u00e9i spezifesch Tuten eben och an der Verbrennungsanlag.<\/p>\n

Hutt Dir Froen oder Ureegunge fir aner Themen? Da mellt Iech \u00ebnnert d\u00ebser E-Mail-Adress bei der RTL-Faktencheckredaktioun: faktencheck@rtl.lu<\/em><\/p>\n

Links<\/p>\n