{"id":397368,"date":"2025-06-19T11:00:33","date_gmt":"2025-06-19T11:00:33","guid":{"rendered":"https:\/\/belux.edmo.eu\/?p=397368"},"modified":"2025-06-19T12:53:04","modified_gmt":"2025-06-19T12:53:04","slug":"schueberfouer-all-joer-zwou-millioune-visiteuren-si-gi-gezielt-esou-dville-de-luxembourg","status":"publish","type":"post","link":"https:\/\/belux.edmo.eu\/lb\/schueberfouer-all-joer-zwou-millioune-visiteuren-si-gi-gezielt-esou-dville-de-luxembourg\/","title":{"rendered":"Schueberfouer: All Joer zwou Millioune Visiteuren? Si gi gezielt, esou d’Ville de Luxembourg"},"content":{"rendered":"
\n
\n

 <\/p>\n<\/div>\n

\n

Am Kader vum internationale Faktencheckdag hate mer eis User opgeruff, fir eis Sujeten eranzesch\u00e9cken, d\u00e9i si g\u00e4re vun der RTL-Faktencheck-Redaktioun iwwerpr\u00e9ift h\u00e4tten.<\/p>\n

Vun de villen Ufroen, d\u00e9i mer kruten, hu mer eis an enger \u00e9ischter Linn dofir decid\u00e9iert, ze prob\u00e9ieren, Sujeten, d\u00e9i op de Grand-Duch\u00e9 bezu sinn, nozegoen. Eng vun den Ufroen huet sech mat der Schueberfouer besch\u00e4ftegt:<\/p>\n

“G\u00ebtt et all Joer 2 Millioune Visiteuren op der Schueberfouer, egal w\u00e9i laang se ass?!<\/em>”<\/p>\n

G\u00ebtt iwwerhaapt vun zwou Millioune Visiteure geschwat?<\/p>\n

Wann een nom Bilan vun der Schueberfouer online sicht, taucht \u00ebmmer nees eng Zuel op: “Zwou Millioune Visiteuren”. Dat esouwuel um offizielle Site vum Grand-Duch\u00e9 “Luxembourg.lu” (hei <\/a>an hei<\/a>), an der Press (hei, <\/a>hei, <\/a>hei <\/a>an\u00a0hei<\/a>) an op Wikipedia, wou d\u00e9i selwecht Zuel vu Visiteure scho fir 2010 (hei<\/a>) an 2024 ugi g\u00ebtt (hei<\/a>). Bei Wikipedia ass dann esouguer ze liesen, datt et sech bei den zwou Millioune Visiteuren \u00ebm en “Duerchschn\u00ebtt handelt” an an der Press f\u00ebnnt een d\u00e9i Zuel als “Asch\u00e4tzung vun den Organisateuren” schonn zanter Joren.<\/p>\n

Wie g\u00ebtt d\u00e9i Zuelen eraus?<\/p>\n

Fir de genannte Chiffer erauszefannen, hu mer bei der Police an dem CGDIS, d\u00e9i jo b\u00e9id op der Schueberfouer aktiv sinn, nogefrot. Vun der Police heescht et, datt si zwar fir verschidde Manifestatiounen am Land Zuele publiz\u00e9ieren, dat awer \u00e9ischter bei gr\u00e9isseren Demonstratiounen, wou si schonn am Virfeld eng Asch\u00e4tzung vun den Organisateure respektiv vun de Gemengenautorit\u00e9iten iwwer d’Zuele vun de Participante\u00eb kr\u00e9ien. Fir d’Schueberfouer ass dat net de Fall. Eng \u00e4nlech Reaktioun koum och vum CGDIS. Si g\u00e9ife keng Asch\u00e4tzunge bei esou Evenementer maachen, heescht et vun do. Si hunn eis nach un d’Stad L\u00ebtzebuerg verwisen.<\/p>\n

Och vun der Luxembourg Confederation, also d\u00e9i d’Interessie vun de Foraine vertr\u00ebtt, k\u00ebnne keng Zuelen zu der Fouer genannt ginn. D\u00e9i Fro passt net an de Ressort vun der Federatioun, heescht et. Och d’Federatioun huet eis un d’VDL verwisen.<\/p>\n

Mir haten \u00ebnner anerem d’Stater M\u00e4rei kontakt\u00e9iert, fir d\u00ebser Zuel nozegoen. Ma fir den 2. Abr\u00ebll hate mer keng R\u00e9ckmeldung kritt. Dofir hate mir eng \u00e9ischt an\u00a0net f\u00e4erdeg Versioun vun d\u00ebsem Faktencheck <\/a>erausginn. D’Prezisioun zu den Zuele koum zwee Deeg nom St\u00e9chdatum. Deemno geet ee bei der Ville de Luxembourg effektiv all Joer vu bis zu zwou Millioune Visiteuren aus.<\/p>\n

W\u00e9i k\u00ebnnt een op dee Chiffer?<\/p>\n

Aus der Stater M\u00e4rei heescht et, datt d’Visiteuren an all den Entr\u00e9e\u00eb vum Fouersite w\u00e4rend den offiziellen \u00cbffnungsz\u00e4ite gezielt ginn. Datt ee mat d\u00ebser Method keng honnertprozenteg kloer Zuele ka kr\u00e9ien, ass och bei den Autorit\u00e9ite gewosst.”Vue datt an den Entr\u00e9e\u00eb vill Beweegung ass an obwuel d\u2019Passag\u00eb beschtm\u00e9iglech gezielt ginn, sinn d\u00ebs Zielungen net 100% pr\u00e4zis<\/em>“, heescht et an der \u00c4ntwert vum Organisateur. Trotz d\u00ebser Marge d’erreur ginn d’Servicer vun der Stad L\u00ebtzebuerg dovunner aus, datt all Joer t\u00ebscht annerhallef an zwou Millioune Visiteuren all Joer op d’Schueberfouer kommen.<\/p>\n

Visiteuren oder Visitten?<\/p>\n

D\u00e9i kuerz \u00c4ntwert, d\u00e9i mer vun der Stater Gemeng kruten, erkl\u00e4ert wuel, datt d’Leit gezielt ginn, l\u00e9ist awer verschidde Froen op. G\u00ebtt sech den Organisateur vun der Fouer eng Marge vu 500.000, well d’Zielungen eben net honnertprozenteg pr\u00e4zis sinn? An, nach m\u00e9i wichteg, sinn\u00a0 mat “Visiteuren”, vun deene si selwer an hirer \u00c4ntwert schw\u00e4tzen, net \u00e9ischter “Visitte” gemengt? Well mam System vun der Stater Gemeng, fir d’Leit ze zielen, sch\u00e9ngt et eis schw\u00e9ier bis onm\u00e9iglech erauszefilteren, w\u00e9i dacks eng eenzel Persoun pro Joer op d’Schueberfouer geet.<\/p>\n

Leider konnt d’Stater Gemeng eis hei, obwuel mer m\u00e9i dacksnogefrot hunn, keng weider Erkl\u00e4rungen oder Detailer ginn. Esou datt et eis w\u00e9inst Manktem un Informatiounen net m\u00e9iglech ass, d\u00ebsen Detail pr\u00e4zis be\u00e4ntwere k\u00ebnnen.<\/p>\n

Fazit: Autorit\u00e9iten zielen d’Leit, bleiwen awer onprezis an hiren \u00c4ntwerten<\/p>\n

D’Gemeng ass ganz kloer an hirer Ausso: “‘Zielunge sinn net 100% pr\u00e4zis<\/em>“, wat bei de ville Beweegungen an de verschiddenen Entr\u00e9e\u00eb vun der Fouer och nozevollz\u00e9ien ass. Trotzdeem geet ee vun annerhallef bis zwou Millioune Visiteuren aus. Bas\u00e9iert ee sech eleng op d’Zuele vun der Zielung, misst een awer \u00e9ischter vu “Visitten” w\u00e9i vu “Visiteure” schw\u00e4tzen, well Leit, d\u00e9i m\u00e9i dacks an engem Dag oder w\u00e4rend der ganzer Fouerz\u00e4it op de Glacis kommen, och \u00ebmmer nei gezielt ginn.<\/p>\n

Ganz pr\u00e4zis ze soen, w\u00e9i vill Leit genee all Joer op d’Fouer kommen, ass net esou m\u00e9iglech, w\u00e9i datt elo bei engem Fr\u00e4iz\u00e4itpark machbar ass, wou een Entr\u00e9e bezilt, fir eranzekommen. Warscheinlech och dofir l\u00e9isst den Organisateur sech eng Marge vu ronn 500.000 Leit bei den Zuelen, d\u00e9i eis op Nofro genannt goufen.<\/p>\n

Hutt Dir Froen oder Ureegunge fir aner Themen? Da mellt Iech \u00ebnnert d\u00ebser E-Mail-Adress bei der RTL-Faktencheckredaktioun: faktencheck@rtl.lu<\/em><\/p>\n

Links<\/p>\n