{"id":403988,"date":"2025-11-03T10:00:40","date_gmt":"2025-11-03T10:00:40","guid":{"rendered":"https:\/\/belux.edmo.eu\/?p=403988"},"modified":"2025-11-03T12:12:03","modified_gmt":"2025-11-03T12:12:03","slug":"faktencheck-deu-wll-kanner-net-erlaben-hiert-geschlecht-selwer-ze-wielen","status":"publish","type":"post","link":"https:\/\/belux.edmo.eu\/lb\/faktencheck-deu-wll-kanner-net-erlaben-hiert-geschlecht-selwer-ze-wielen\/","title":{"rendered":"Faktencheck: D’EU w\u00ebll Kanner net erlaben, hiert Geschlecht selwer ze wielen"},"content":{"rendered":"
\n
\n

 <\/p>\n<\/div>\n

\n

Mat hirer LGBTIQ+-Gl\u00e4ichstellungsstrategie fir d’Joren 2026 bis 2030 w\u00ebll d’Europ\u00e4esch Kommissioun d’Zesummenaarbecht vun den EU-Staate bei Gl\u00e4ichstellungsfroe st\u00e4erken an d’Diskrimin\u00e9ierung bek\u00e4mpfen.<\/p>\n

Riets Blogge behaapten am Internet, mat d\u00ebser Strategie g\u00e9ifen d’Memberstaate gezwongen, Kanner hiert Geschlecht selwer auswielen ze loossen – egal, w\u00e9i al si sinn. Dat ass awer am duebele S\u00ebnn falsch: Weeder muss d’Strategie an nationaalt Gesetz iwwerholl ginn, nach ass vun der fr\u00e4ier Wiel vum Geschlecht fir Kanner rieds.<\/p>\n

Rietspopulistesch Bloggen hate kierzlech iwwer “Gender-Ons\u00ebnn vu Br\u00e9issel” rieds, w\u00e9i beispillsweis d’\u00e9istr\u00e4ichesch Boulevard-Internets\u00e4it “Exxpress” de 14. Oktober 2025 geschriwwen<\/a> hat. “Kanner sollen hiert Geschlecht fr\u00e4i wielen – ouni Elteren!”, hat de Blogg an der Iwwerschr\u00ebft vum Artikel iwwer d’LGBTIQ+-Gl\u00e4ichstellungsstrategie 2026 bis 2030<\/a> vun der Europ\u00e4escher Unioun behaapt. EU-Staaten, d\u00e9i d’Strategie net \u00ebmsetze g\u00e9ifen, misste mat Kierzunge vun EU-Gelder rechnen.<\/p>\n

An \u00e4nleche Wierder haten och den \u00e9istr\u00e4ichesche rietspopulistesche Medium “Auf1<\/a>” souw\u00e9i d’Blogge “Weltwoche<\/a>” an “Reitschuster<\/a>” behaapt, d’EU w\u00e9ilt Kanner an Zukunft hiert Geschlecht selwer best\u00ebmme loossen. D’Behaaptung war ausserdeem op Facebook<\/a>, X<\/a>, Telegram<\/a> an Tiktok<\/a> am \u00cbmlaf. \u00cbnner anerem huet de s\u00e9cherheetspolitesche Spriecher vun der FP\u00d6 am \u00e9istr\u00e4icheschen Nationalrot, de\u00a0Gernot Darmann<\/a>, d\u00ebs Behaaptung gedeelt<\/a>. Och op Rum\u00e4nesch<\/a> gouf se verbreet.<\/p>\n

\"RTL\" \u00a9 AFP<\/p>\n

A ville B\u00e4itr\u00e4g g\u00ebtt en Extrait aus der neier Strategie<\/a> als angeebleche Beweis zit\u00e9iert. Doran heescht et: “D’Kommissioun w\u00e4ert den Austausch vu bew\u00e4erte Prozeduren t\u00ebscht de Memberstaaten erliichteren, fir d’Entw\u00e9cklung vu Prozeduren iwwer d’rechtlech Unerkennung vun der Geschlechtsidentit\u00e9it ze \u00ebnnerst\u00ebtzen, d\u00e9i op Selbstbest\u00ebmmung berouen a keng Alterslimitt virgesinn.”<\/p>\n

D’Behaaptung sch\u00e9ngt aus engem Artikel ze stamen, deen den 8. Oktober 2025<\/a> am brittesche Medium “The Telegraph” ver\u00ebffentlecht gouf. An der Iwwerschr\u00ebft steet: “Kanner k\u00e9inten enger EU-Propos no hiert Geschlecht an der Schoul wielen”.<\/p>\n

D’brittesch Zeitung beschreift d’Gl\u00e4ichstellungsstrategie als eng “EU-Propos”, d\u00e9i et “Kanner erm\u00e9igleche k\u00e9int, hiert Geschlecht selwer ze wielen” an zu der “Ophiewung vun den Alterslimitte fir d’Geschlechtsunerkennung” f\u00e9iere k\u00e9int. Den Artikel deit och un, dass Iwwerpr\u00e9iwungen, “ob Kanner wierklech hiert Geschlecht \u00e4nnere w\u00ebllen”, dem Plang no “verbuede” g\u00e9ifen. “Memberstaate k\u00e9inte bestrooft ginn, wa si d’Gender-Ideologie vun der neier Strategie vun der Europ\u00e4escher Kommissioun a Fro stellen”, heescht et am Artikel vun “The Telegraph” weider.<\/p>\n

Allerd\u00e9ngs entspr\u00e9cht d’Behaaptung net deem, wat tats\u00e4chlech am Dokument vun der EU-Kommissioun steet.<\/p>\n

Paragraf vun der LGBTIQ+-Strategie gouf feelinterpret\u00e9iert<\/p>\n

D’Strategie ass Deel vum Zil vun enger “Unioun vun der Gl\u00e4ichheet<\/a>“, d\u00e9i d’Europ\u00e4esch Kommissioun den 8. Oktober 2025 virgestallt<\/a> huet an d’Benodeelegunge vu verschiddene Gruppen an de Memberstaaten ofbaue soll. D\u00e9i aktuell Strategie baut op der \u00e4nlecher<\/a>LGBTIQ+-Strategie<\/a> fir d’Joren 2020 bis 2025 op a setzt nei Priorit\u00e9iten, fir d’Diskrimin\u00e9ierung vun der LGBTIQ+-Communaut\u00e9it a Ber\u00e4icher w\u00e9i Bildung, Besch\u00e4ftegung, Gesondheet a sozial Inklusioun ze bek\u00e4mpfe souw\u00e9i d’Geschlechtsidentit\u00e9it rechtlech unzeerkennen.<\/p>\n

D’LGBTIQ+-Gl\u00e4ichstellungsstrategie 2026 bis 2030<\/a> gouf als politesche Kader, net als Gesetz, vun der Europ\u00e4escher Kommissioun am Oktober 2025 vot\u00e9iert<\/a>. Eegener Ausso no ziilt d’Strategie “dorop of, LGBTIQ+-Persoune viru schiedleche Praktiken an haassmotiv\u00e9ierte Strofdoten ze sch\u00fctzen, LGBTIQ+-Communaut\u00e9iten a Gremien, d\u00e9i sech fir Gl\u00e4ichstellung asetzen, ze st\u00e4erken an d’Zivilgesellschaft souw\u00e9i d’Memberstaaten an aner Acteuren anzebez\u00e9ien”.<\/p>\n

Den online gedeelten Ausdrock “Selbstbest\u00ebmmung ouni Alterslimitt” daucht an engem Paragraf vun der Strategie op, dee sech mat der rechtlecher Unerkennung vum Geschlecht befaasst. Doran h\u00e4lt d’EU-Kommissioun fest, dass d’Virschr\u00ebfte fir d’\u00c4nnerung vum Geschlecht an den EU-L\u00e4nner ganz \u00ebnnerschiddlech sinn: “W\u00e4rend eng Rei vu Memberstaate Selbstbest\u00ebmmungsmodeller agef\u00e9iert hunn, schreiwen aner Memberstaate medezinesch Prozedure vir, d\u00e9i no Usiicht vum Europ\u00e4esche Geriichtshaff fir M\u00ebnscherechter (EGMR, Um. v. d. Red.) g\u00e9int d’M\u00ebnscherechter verstousse k\u00ebnnen” (S\u00e4it 15<\/a>).<\/p>\n

Dow\u00e9inst g\u00e9if d’Kommissioun d’Memberstaate beim Austausch iwwer Prozeduren \u00ebnnerst\u00ebtzen, mat deenen d’Geschlechtsidentit\u00e9it “op der Grondlag vun der Selbstbest\u00ebmmung an ouni Alterslimitt” unerkannt g\u00ebtt. Dofir missten awer den Dialog t\u00ebscht de L\u00e4nner m\u00e9i einfach a keng EU-w\u00e4it Virschr\u00ebfte erlooss ginn, huet eng Vertriederin vun der Europ\u00e4escher Kommissioun den 10. Oktober 2025 an enger Pressekonferenz<\/a>\u00a0 erkl\u00e4ert (hei<\/a> archiv\u00e9iert). Am Dokument ginn ausserdeem weeder “Kanner” nach “Mannerj\u00e4reger” ausdr\u00e9cklech ernimmt.<\/p>\n

D’Formul\u00e9ierung “ouni Alterslimitte” war och an der Strategie<\/a> fir den Z\u00e4itraum 2020 bis 2025 dran (S\u00e4it 20<\/a>): “D’Kommissioun w\u00e4ert den Austausch vu bew\u00e4erte Prozeduren t\u00ebscht de Memberstaate f\u00ebrderen, an deenen et dr\u00ebms geet, w\u00e9i zoug\u00e4nglech Gesetzer a Prozedure fir d’Unerkennung vun der Geschlechtszougeh\u00e9ieregkeet op der Basis vum Grondsaz vun der Selbstbest\u00ebmmung an ouni Alterslimitten agef\u00e9iert gi k\u00ebnnen.” Och an d\u00ebsem Dokument goufe “Kanner” oder “Mannerj\u00e4reger” net ausdr\u00e9cklech ernimmt.<\/p>\n

EU-Kommissioun: Behaaptung wier “ganz einfach falsch”<\/p>\n

Op AFP-Ufro huet d’Vertriedung vun der Europ\u00e4escher Kommissioun a Rum\u00e4nien d’online gedeelt Behaaptung den 10. Oktober 2025 zer\u00e9ckgewisen an de Message widderholl, deen de selwechten Dag zu Br\u00e9issel op der Pressekonferenz<\/a> vun der Europ\u00e4escher Kommissioun matgedeelt gi war. W\u00e4rend der Konferenz hat d’Spriecherin vun der Kommissioun, d’Eva Hrn\u010d\u00ed\u0159ov\u00e1, gesot, d’Strategie g\u00e9if dorop ofzilen, “dass all d’M\u00ebnschen an Europa gl\u00e4ich behandelt ginn, ouni Diskrimin\u00e9ierung”.<\/p>\n

Der Hrn\u010d\u00ed\u0159ov\u00e1 no baut dat neit Dokument, dat an der Woch vum 10. Oktober 2025 vum Coll\u00e8ge vun de Kommiss\u00e4ren a Kommiss\u00e4rinne vot\u00e9iert gouf, “op der fr\u00e9ierer Strategie fir 2020 op” a “f\u00ebrdert d’Gl\u00e4ichstellung duerch Zesummenaarbecht”. D’EU-Staaten “decid\u00e9ieren iwwer hir eege Gesetzer, a mir h\u00ebllefen hinnen dob\u00e4i, sech iwwer bew\u00e4ert Prozeduren auszetauschen”, huet d’Spriecherin b\u00e4igef\u00fc\u00fcgt.<\/p>\n

Si hat ausserdeem betount, dass “mir d’Zoust\u00e4nnegkeete vun de Memberstaaten, zu deenen och d\u00e9i exklusiv Unerkennung fir de gesetzleche Mindestalter fir d\u00e9i rechtlech Unerkennung vum Geschlecht geh\u00e9iert, onlimit\u00e9iert respekt\u00e9ieren”. Si hat b\u00e4igef\u00fc\u00fcgt: “All Undeitung, dass d’Kommissioun de Memberstaaten esou Moossnamen opzw\u00e9ngen oder operlee\u00eb g\u00e9if, ass ganz einfach falsch.”<\/p>\n