Eng Ried, déi zu Onrecht dem Emmanuel Macron zougeschriwwe gëtt, huet an de sozialen Netzwierker fir vill Opreegung gesuergt. Doran huet de Macron angeeblech ugekënnegt, dass de 25. Dezember “temporär kee Feierdagscharakter” méi hätt. Awer dëse Video staamt vun engem parodisteschen TikTok-Kont, dee reegelméisseg satiresch Inhalter iwwer de President verbreet.
E Video, deen zanter dem 20. November public ass, huet am Internet hefteg Reaktiounen ausgeléist. Dora gëtt behaapt, den Emmanuel Macron hätt ugekënnegt, dass de 25. Dezember kee Feierdag méi si wäert.
De Video weist de franséische President, deen hannert engem Pult steet. Op de Biller steet e Band, heiansdo giel, heiansdo rout, mat der Opschrëft: “Macron kënnegt un, Chrëschtdag gëtt net méi gefeiert”.
© AFP
© AFP
“Meng léif Landsleit, ech wenne mech haut den Owend un Iech, fir iwwer eng schwéier Decisioun ze schwätzen. Wéinst den aktuellen Erausfuerderunge musse mir op eng aner Aart a Weis zesummekommen a mir hunn de feierleche Charakter vum 25. Dezember temporär suspendéiert. Dëst Virgoe bedeit awer net, dass mir eis Traditioune vergiesse wäerten, mee et ass en Opruff zu enger gemeinsamer Mobiliséierung fir d’Zukunft vu Frankräich”, téint d’Stëmm am Enregistrement, vun där ee menge kéint, a wann ee mëssinterpretéiert, et kéint d’Stëmm vum franséische President sinn.
De Video gouf e puer Honnert Mol op TikTok (1, 2, 3 ,4) gedeelt an op Facebook mam Hashtag #plusdifierté oder #annonce propagéiert. Et koum och zu sougenannten “Duos”, Videoe mat Reaktiounen op de Contenu vu engem Video, mat iwwerraschten Internetnotzer.
A Kommentarer hu sech Dosende vun Internetnotzer skandaliséiert gewisen an hu verséchert, dëst wär déi lescht vun enger Rei Moossnamen, déi déi franséisch Traditiounen a Gefor brénge géifen. “De Macron geet ze wäit. Chrëschtdag ass wichteg fir eis Famill”, “am Eescht, si huelen alles ewech, Fangeren ewech vu Chrëschtdag”.
Zu Nantes gouf d’Gemeng kritiséiert, well se e Konschtprojet mat Liichtskulpturen den traditionelle Girlande virgezunn hat, wat eng Rei Awunner als Fakt ugesinn hunn, “dëst Fest ofschafen” ze wëllen, wéi TF1 (hei archivéiert) oder d’Libération (hei archivéiert) gemellt hunn.
E parodistesche Video
Wéi d’AFP erausfonnt huet, ass dëse Video eng éischt Kéier um TikTok-Kont Elyseeparodies” opgedaucht. Den Outil “TikTok Timestamp” vu Bellingcat (ONG fir digital Investigatioun) weist, dass de Video den 8. November 2023 um 18.02 Auer GMT an der App eropgeluede gouf.
© AFP
An der Legend steet “#macron annoncéiert, dass #Noel (Chrëschtdag) net méi gefeiert gëtt”, zesumme mat de Schlësselwierder #findelabondancemacron #ia #fake”, wat däitlech mécht, dass et sech ëm e falsche Video handelt, dee mat Kënschtlecher Intelligenz generéiert gouf.
De Kont enthält Dosende vu weidere parodistesche Videoe vum President. Déi lescht schwätzen dovun, dass den 1. Januar kee Feierdag méi wäert sinn, dass et de 24. a 25. Dezember keng Policekontrolle wäert ginn oder dass d’Chrëschtdagsprimm an dësem Joer ofgeschaaft gëtt.
© AFP
© AFP
An all dëse Videoen, wéi och an dem Video, an deem annoncéiert gëtt, dass Chrëschtdag net méi gefeiert gëtt, sinn d’Biller am Hannergrond déi selwecht a weisen eng Ried vum President.
Op dem Pult steet d’Opschrëft “Aweiung vun der Cité internationale de la langue française”.
© AFP
Wann een eng Google-Sich mat dëse Stéchwierder duerchféiert, ass et méiglech, Artikelen iwwer dëst Evenement ze fannen. Den Emmanuel Macron huet den 30. Oktober 2023 zu Villers-Cotterêts, an der Aisne, säi grousse Kulturprojet, d’Cité internationale de la langue française, ageweit, wéi d’AFP an dëser Meldung gemellt hat (hei archivéiert).
D’Cité, déi éischt Plaz op der Welt, déi der franséischer Sprooch dediéiert ass, ass eng “verwierklecht Utopie”, hat den Emmanuel Macron wärend senger éischter Presidentschaftscampagne déi eemolege kinneklech Juegdresidenz, déi an engem fortschreidende Verfallszoustand war, genannt.
De Videoextrait, deen am Hannergrond vum TikTok-Video benotzt gëtt, ass ab der 25. Sekonn am Video ze gesinn, staamt vum offiziellen Elysée-Kont. Déi selwecht Gesten, Zuschauer a Schnëttbiller sinn ze gesinn, wat confirméiert, dass d’Biller vum TikTok-video vun dësem Evenement stamen an net vun enger Ried iwwer Joresofschlossfestlechkeeten.
En Deepfake-Audio
Op de Biller passen d’Wierder net genau zu de Beweegunge vun de Lëpse vum President. Alles deit dorop hin, dass de Kont “Elyseeparodie” eng Opnam fir parodistesch Zwecker mat enger Stëmm generéiert huet, déi där vum Emmanuel Macron änlech ass, wéi et vill Software-Programmer erméiglechen.
Sou bitt d’Software ElevenLabs un, Stëmmen ze klonen, baséierend op echten Tounextraiten. Ausgoend vun zwou Riede vum Emmanuel Macron, déi am Internet ofgeruff an dunn an der Software geluede goufen, hat d’AFP schonn an dësem viregen Artikel eng Stëmm vum “Macron” realiséiert.
D’AFP huet d’Datei mat Hëllef vum Logiciel ElevenLabs Speech Classifier analyséiert, deen d’Warscheinlechkeet, dass d’Stëmm an der Opnam duerch KI generéiert gouf, op 98 Prozent geschat huet.
Doriwwer eraus kënnt d’Software zu der Konklusioun, dass et “ganz warscheinlech” ass, dass den Toun direkt vun der Plattform ElevenLabs generéiert gouf.
© AFP
Deepfakes ginn heiansdo fir humoristesch Zwecker genotzt, kënnen awer och am Internet problematesch ginn, wa se dozou déngen, Notzer ze manipuléieren oder ze diffaméieren.
D’AFP huet ausserdeem e puer Mol Multimedia-Contenu mat Kënschtlecher Intelligenz iwwerpréift (1, 2 et 3) an an engem Faktencheck eng KI-Opnam, déi dem Emmanuel Macron zougeschriwwe gouf, iwwerpréift, no där hie sech géint e politesche Géigner a Guinea verschwuer hätt.
Dësen AFP-Artikel gouf vun RTL op Lëtzebuergesch iwwersat.
