EDMO BELUX bréngt en experimentéiert an extensiivt Netzwierk vu Faktenchecker, Desinformatiounsanalysten, Mediekompetenzorganisatiounen an Akademiker zesummen, fir opkommend schiedlech Desinformatiounskampagnen ze erkennen, ze analyséieren an opzedecken. De Projet leet eng speziell Attentioun op Desinformatioun, déi pan-EU- oder EU-Riichtlinne viséiert. De Projet kuckt och méi speziell op Desinformatioun, déi d’Belsch, Lëtzebuerg oder EU-Riichtlinnen am Viséier huet.
D’AFP, e weltwäite Prestataire a Saachen digitaler Verifikatioun, ass Signataire vum International Fact-checking Network (IFCN). Dozou gehéiere Verflichtunge wéi: Onparteilechkeet a Fairness, Transparenz vu Quellen, Transparenz vun der Finanzéierung a vun der Organisatioun, Transparenz vun der Methodologie an eng oppen an éierlech Korrekturpolitik. D’Aarbecht vun der AFP gëtt vu kompetente Redakteure an engem weltwäiten Netzwierk vu Journalisten duerchgeféiert, déi sech un de redaktionelle Standarden a Leitprinzipie vun der globaler Noriichtenagence AFP orientéieren. Nieft den traditionelle journalistesche Fäegkeeten, applizéiert d’AFP eng Rei vun einfachen Outilen, fir Online-Informatiounen ze iwwerpréiwen, e bësse gesonde Mënscheverstand a ganz vill Precautioun. Ausgoend vun enger konkreter Fro, versicht d’AFP doutéis Geschichten a Behaaptungen, déi an den Noriichten opdauche kënnen oder net, ze ënnersichen an doriwwer ze berichten. Si sicht bei hiren Investigatiounen onparteiesch, ëffentlech zougänglech Informatiounen a verlinkt se online. D’AFP-Journalisten iwwerwaachen den Online-Contenu an de jeeweilege Landessproochen, vun Amharesch bis Hindi, Däitsch oder Hollännesch. Si berücksichtege lokal Kulturen, Sproochen a Politik a schaffe mat de weltwäiten AFP-Büroen zesummen, fir falsch Informatiounen ze ënnersichen an ze widderleeën.
RTL Lëtzebuergwäert Fakteniwwerpréiwungen fir de lokalen Territoire duerchféieren D’Redatioun vun RTL setzt sech aus aus professionellen an erfuerene Journalisten zesummen, déi fir den ëffentlech-rechtlechen Televisiounssender RTL Télé Lëtzebuerg an de Radiosender RTL Radio Lëtzebuerg, wéi och fir den éischte lëtzebuergesche Noriichtemedium RTL.lu schaffen. RTL Lëtzebuerg huet sech héich Standarde fir seng Berichterstattung ginn, definéiert duerch eng kloer editorial Linn, en Deontologie-Kodex fir all Journalisten an en auto-reguléirenden Ethikrot. Fir d’Journalisten am Fact-Check-Team goufe speziell Normen an Aarbechtsofleef applizéiert.
D’RTBF (Radio-télévision belge de la Communauté française) liwwert sachlech gepréift Artikelen iwwer Informatiounen, déi an de Sozialen Netzwierker zirkuléieren. Si analyséiert och bestëmmten ëffentlech Declaratiounen, fir de Contenu ze entschlësselen an d’Lieser iwwer d’Richtegkeet vun der Ausso opzeklären. Éier e verfizéierten Artikel verëffentlecht gëtt, ginn d’Quellen bannent der franséischer Mediegemeinschaft an der Belsch iwwerpréift. Déi publizéiert Faktenchecks gi vun enger engagéierter Redaktiounsekipp koordinéiert, déi sech aus verschiddene Journalisten zesummesetzt, déi Expert op hirem Gebitt sinn.
Op der Homepage vun dëser Websäit ass eng Rubrik enthalen, déi en „Editor’s Choice“ Faktencheck ervirhieft. Dee Faktencheck wäert opgrond vu senger Déift a Qualitéit oder senger Verbindung zu aktuellen Noriichten ausgewielt ginn. Den Oflaf vun de Faktenchecks gëtt lafend an eisem Fact-Checking-Archiv archivéiert. Dëse Repertoire bitt Visiteure vun der Websäit d’Méiglechkeet, duerch d’Faktenchecks ze navigéieren an evolutiv Musteren oder narrativen z‘observéieren.