Kuelendioxid verännert d’Klima op der Äerd immens staark. Politiker an den USA an Däitschland stellen den CO2-Undeel an der Atmosphär allerdéngs als minimal duer. Dat ass ierféierend.
Ierféierend Etüden, déi Zweiwel un der Menace duerch de Klimawandel séien, schläiche sech a Fachzäitschrëfte mat Peer-Review ein. Do virdru warne Wëssenschaftler a Wëssenschaftlerinnen an nennen en aktuellt Beispill. D’Auteuren vun dëser Etüd hunn en Interessekonflikt bestridden.
En ale Video, deen haaptsächlech op WhatsApp a Südafrika am Ëmlaf ass, weist eng Opnam vun enger Wiederkaart, déi extreem kaalt Wieder am a ronderëm d’Land virausseet. Den Erzieler vum Video behaapt, dass d’Kaart “staarke Schnéifall” an den nächsten zéng Deeg weist, dee viraussiichtlech eng Partie Regioune vu Südafrika treffe géif. Dës Behaaptung ass awer ierféierend.
Un der mëttel-atlantescher Küst vun den USA sinn eng Rei Walen am nidderege Waasser hänke bliwwen, wat a sozialen Netzwierker zu de Behaaptunge geféiert huet, dass Offshore-Wandparken angeeblech responsabel wieren. Dës Behaaptunge sinn awer ierféierend.
Schnéi a Saudi-Arabien ass keng Ausnam. Eng Rei vun Twitter-Bäiträg, déi e Video aus der mat Schnéi bedeckter Wüüst vu Saudi-Arabien deelen, behaapten awer, dass et am Februar 2023 “eng éischt Kéier zënter bal 100 Joer” an der Regioun geschneit hätt.
De 6. Februar 2023 goufen d’Tierkei a Syrien vun engem Äerdbiewe vun der Stäerkt 7,8 getraff. Den offiziellen Donnéeë vum 19. Februar no si bis zu deem Moment 45.000 Doudesaffer ze bekloen an dausende vu Gebaier goufen zerstéiert. A sozialen Netzwierker gëtt zënterhier doriwwer diskutéiert, wéi héich d’Warscheinlechkeet ass, en Äerdbiewe virauszesoen. Dës Fro steet am Raum, nodeems en hollännesche User op Twitter d’Äerdbiewen angeeblech e puer Deeg virdru prognostizéiert hat. Expertinnen an Experte si sech awer eens: Bis haut gëtt et keng wëssenschaftlech Method, fir Äerdbiewe virauszesoen.
D’Hausse vum CO2-Niveau op der Äerd säit 1880 ass keng “Klengegkeet”, déi ze vernoléissege wär, wéi e Video, dee säit Januar 2023 e puer Dausend Mol an de sozialen Netzwierker verbreet gouf, behaapt. Ee vun de Riedner relativéiert d’Quasi-Verdueblung vum CO2-Taux tëschent dem Ufank vum Industriezäitalter an haut mat der Begrënnung, dass d’Äerd viru 440 Millioune Joren “1.100 Prozent vum haitegen CO2-Taux” gehat hätt. Awer dëse Verglach ass net stéchhalteg, wéi fënnef Experten der AFP erkläert hunn.
Säit Joren ass d’Behaaptung am Ëmlaf, dass nidderegfrequent Schallwelle vun Eolienne – sougenannten Infraschall – krank maachen.
Klimaaktivistinnen an -aktiviste vun der däitscher Organisatioun “Letzte Generation” peche sech reegelméisseg op Stroosse fest, fir mediewierksam géint d’Ëmweltpolitik vun der däitscher Regierung ze protestéieren.
De Weltwirtschaftsforum (WEF) ass ëmmer nees Zil vu Konspiratiounen a Falschinformatiounen. Mëtt Dezember 2022 huet sech am Internet eng Behaaptung verbreet, de WEF wéilt Hauskazen an Hënn schluechten, fir esou de Klimawandel ze bekämpfen. Dat sollen och e puer Medie matgedeelt hunn. Tatsächlech ass awer keng esou Fuerderung ze fannen, weder an de Publikatioune vum WEF, nach a Medieberichter. E Spriecher vum WEF huet d’Behaaptung géintiwwer der AFP och zeréckgewisen.