Ugangs der Woch si Reklammen op YouTube gelaf, an deenen et esou ausgesinn huet, wéi wann de Premier an den Ausseminister dozou opruffen, a skurril Projeten ze investéieren.
Rendéiere bleiwe vu Wandkraaftanlagen ewech. Fir Gebuertsfeeler oder Deformatioune bei Källefcher, déi an engem Lieserbréif genannt ginn, deen online vill gedeelt gëtt, gëtt et awer keng wëssenschaftlech Basis. Eng Rei Expertinnen an Experte hunn der AFP confirméiert, dass hinnen esou en Effekt net bekannt wär.
Eng Ried, déi zu Onrecht dem Emmanuel Macron zougeschriwwe gëtt, huet an de sozialen Netzwierker fir vill Opreegung gesuergt. Doran huet de Macron angeeblech ugekënnegt, dass de 25. Dezember “temporär kee Feierdagscharakter” méi hätt. Awer dëse Video staamt vun engem parodisteschen TikTok-Kont, dee reegelméisseg satiresch Inhalter iwwer de President verbreet.
D’Klimaverännerungen, hir Ursaachen a Konsequenze sinn an der Wëssenschaft allgemeng unerkannt. Mä reegelméisseg gräife Klima-Skeptiker op hefteg Reefäll, Schnéifäll oder Temperaturen ënnert der joreszäitlecher Norm zeréck, fir dëst ze bestreiden. Si vergläichen hei awer Äppel mat Bieren.
Island plangt net, seng gesamt Bevëlkerung an dësem Joer géint de Coronavirus ze impfen, mä Behaaptungen, dass Impfungen am Land verbuede gi wären, si falsch.
WLAN ass e Funknetzwierk, dat erlaabt, sech ouni Kabel mam Internet ze verbannen. Am Internet ass awer déi falsch Behaaptung am Ëmlaf, WLAN géif mënschlech Zellen zerstéieren. Dat géif e Video vu Cressonsomen no vun engem Router weisen, déi bal net wuessen. Fachleit no hätt WLAN awer net genuch Energie, fir Zellen oder Moleküllen ze schiedegen.
Autismus, Depressiounen, Arthros an Alzheimer huele weltwäit zënter 30 Joer zou. An de Sozialen Netzwierker deelen Internetnotzer eng Tabell, an där dës Krankheete mat fantasievolle prozentuale klammenden Tauxen opgelëscht ginn, déi d’Hausse op déi allgemeng Verbreedung vun Impfungen, besonnesch bei Kanner, zeréckféieren.
De chineesesche Staatschef Xi Jinping an den US-President Joe Biden hu sech am November 2023 zu San Francisco getraff, fir do un de Bezéiungen tëscht béide Länner ze schaffen. E Bild, dat an de Sozialen Netzwierker am Ëmlaf ass an dat beim Sommet entstane soll sinn, weist angeeblech de Biden, wéi hien an déi falsch Richtung kuckt, wärend hien de Xi begréisst. Mä dat Bild ass manipuléiert.
An der Natur ginn et Insekten, déi e Muster hunn, dat wéi eng Zuel ausgesäit. Dat bestätegen Experten. Mee an engem Video, dee sech an de sozialen Netzwierker séier verbreet, gouf behaapt, et géif sech ëm Moustiquen handelen, déi geneetesch zu “Biowaffe” modifizéiert goufen.
Déi israeelesch Arméi ass an der Nuecht op de 15. November an d’Al-Schifa-Spidol, dat gréisst an der Gazasträif, agedrongen, wou d’Hamas eng strateegesch Basis opgestallt soll hunn. Dausende Palästinenser sinn op der Flucht virum Krich an d’Spidol geflücht. An dësem Zesummenhang hunn Internetnotzer e Video a sozialen Netzwierker gedeelt, an deem behaapt gëtt, et géif weisen, wéi israeelesch Zaldoten am Spidol ronderëm schéissen.