Desinformatioun gehéiert zënter dem Ufank vum Ugrëff op d’Ukrain zum russesche Waffenarsenal. No bal zwee Joer Krich zilen d’Propagandisten zu Moskau elo op d’Ënnerstëtzung vum Weste fir Kiew – ouni déi d’Ukrain verluer wier. D’Norichtenagence AFP huet dozou eng Rei Desinformatiounen opgedeckt.
E Bild, dat op de sozialen Netzwierker gedeelt gouf – ënnert anerem an Dosende Posts op Facebook, déi Reklamm fir Merchandise-Artikele mam selwechten Design maachen – schéngt d’Taylor Swift an engem Anti-Donald-Trump-T-Shirt ze weisen. D’Foto ass awer gefälscht.
D’Nationalsozialisten an Nationalsozialistinnen hu wärend dem Holocaust ronn sechs Millioune Judden a Jüddinnen ëmbruecht. Dës Zuel gëtt ëmmer nees ugezweiwelt. Am Internet gëtt fir dës Kontestatioun en Dokument vun Doudeszertifikater benotzt, dat fir d’Gesamtzuel un Affer awer net aussokräfteg ass, wéi déi ausstellend Autoritéit selwer confirméiert huet. Just fir en Deel vun den Affer wär esou eng Zertifikatioun ausgestallt ginn, well vill Morden och ausserhalb vu Lagere stattfonnt oder Nationalsozialiste wichteg Dokumenter vernicht hunn.
De Fast-Food-Gigant McDonald’s huet keng Filial virun de Pyramiden an Ägypten opgemaach. Dat gouf nämlech a Bäiträg behaapt, déi am Januar 2024 ëmmer nees a Südkorea an de sozialen Netzwierker gedeelt goufen. D’Biller an de falsche Bäiträg goufe mat Hëllef vu Kënschtlecher Intelligenz (KI) hiergestallt.
Wärend d’Ukrain zënter bal zwee Joer mat der russescher Invasioun konfrontéiert ass, iwwerschwemmt déi pro-russesch Propaganda weiderhin d’sozial Netzwierker an déi europäesch Länner, mam Zil, d’Ënnerstëtzung vum Weste fir Kiew ze ënnergruewen. Zënter September besteet d’Desinformatioun am Internet, déi Russland zougeschriwwe gëtt, net méi just doran, anti-ukrainesch Noriichten ze verbreeden, mee och doran, déi westlech Medien direkt ze interpelléieren, fir si dozou ze bréngen, fir e puer dovun ze verifiéieren. Dat huet eng Ënnersichung vun der AFP erbruecht, woubäi Donnéeë vum Kollektiv “Antibot4Navalny” analyséiert goufen.
2017 huet de Matgrënner vu Google, de Sergey Brin, um Jorestreffe vum Weltwirtschaftsforum (WEF) deelgeholl an huet mam WEF-Grënner Klaus Schwab iwwer Entrepreneursgeescht, nei Technologien a Kënschtlech Intelligenz geschwat.
Wéi am Januar 2024 Wanterstierm duerch d’Vereenegt Staate gezu sinn, hunn Notzer vu sozialen Netzwierker Videoe vu Schnéiklatzen, déi bei Feier aus engem Briquet net schmëlzen, als Beweis dofir gedeelt, dass d’Wieder kënschtlech hiergestallt gouf.
Och am Virfeld vun den Europawalen am Juni 2024 sinn Desinformatiounen iwwer d’EU am Ëmlaf, där hir Muechtverhältnisser an d’Gesetzesprozedure vun de 27 – gläichberechtegte – Memberlänner. Ee Beispill ass dat sougenannt Vetorecht – de Mechanismus, mat deem zum Beispill souguer e verhältnisméisseg klengt Land bannent der Unioun géint Virschléi vu wirtschaftlech méi staarken Nopere stëmmen an dës verhënnere kann. Zënter Enn 2023 gëtt eng Feelinformatioun verbreet, no där d’Europäescht Parlament dëst “Vetorecht” ofgeschaaft hätt.
Am Januar 2024 koum et a ganz Däitschland zu gréissere Protester vu Baueren. Zu dësem Sujet hu User am Internet e Video verbreet, an deem eng Mënschenusammlung mat Riff hir Onzefriddenheet auszedrécke schéngt. Den Toun am Video ass allerdéngs de Gesang vu Futtballsupporteren.
Den Alex Heyar, Sänger vun der Lëtzebuerger Rockband Moof, huet mat engem Post op Facebook wuel den Nerv getraff. E gouf vill gedeelt an deels gegleeft…