Vu Fake-Konten, déi sech als Journalisten ausginn, bis zu Krichscomputerspiller, déi Wouerechte verdréinen: Tech-Plattforme kämpfe mat engem Tsunami u Falschinformatioune ronderëm de Konflikt am Noen Osten tëscht Israel an de Palestinenser, nodeem se hir Mesurë fir d’Moderatioun vum Contenu zeréckgezunn hunn.
Nach ëmmer sinn am Internet Falschinformatiounen iwwert de Coronavirus an iwwer d’Coronaschutzimpfung am Ëmlaf. Zulescht gouf a sozialen Netzwierker behaapt, déi US-amerikanesch Gesondheetsagence CDC hätt gewarnt, dass Mënschen, déi géint Covid-19 geimpft sinn, engem méi héije Risiko duerch en neie Virusstamm ausgesat wiere wéi net geimpfte Leit. Dat ass awer falsch.
De 17. September 2023 ass eng vun den zwou bedeitendste Moscheeën am Ghana agestierzt. Kuerz Zäit drop ass eng Foto vun enger Ruin opgedaucht, zesumme mat der Behaaptung, se géif déi historesch Larabanga-Moschee weisen, nodeem se angeeblech no jorelaanger Vernoléissegung duerch d’Regierung an de Koup gefall ass. E Beamte vun der Larabanga-Moschee sot der Ekipp vum AFP-Faktencheck awer, d’Behaaptung wär falsch, an huet bewisen, dass d’Gebai aus Holz a Leem intakt wär.
D’Europäesch Unioun ergräift Mesurë fir d’Fërderung vun enger nohalteger Pabeierproduktioun, proposéiert awer net, Toilettëpabeier ze verbidden.
Zu Lëtzebuerg schéngt et, wéi wa jiddereen en Haus oder Appartement kafe wëll. Mat der Begrënnung “dann ass et wéinstens mäin eegent” stierze sou munch Leit sech fir 30 Joer an d’Scholden. Mä ass dat iwwerhaapt nach lukrativ?
Gëtt d’Enn vum Euro vun den europäesche Staatscheffen aktéiert? Dat geet aus engem Extrait vun enger Fernseereportage ervir, déi zanter dem 19. September bal 3.000 Mol an afrikanesche sozialen Netzwierker gedeelt gouf. Awer dat stëmmt net, et handelt sech ëm eng Fiktioun.
Stroum aus erneierbaren Energiequellen, wéi Wand, leescht e wichtege Bäitrag bei der Reduktioun vun Zäregasen. An engem Video am Internet gëtt awer behaapt, dat energieintensiivt Fundament aus Bëtong vu Wandkraaftanlage géif onverhältnisméisseg vill CO2 verursaachen. Deem ass awer net sou.
Am Internet ass e Bild am Ëmlaf, dat angeeblech de Boris Johnson weist, wéi hien nieft dräi Ukrainer den Aarm fir den Hitlergruß hieft. D’Foto ass awer gefälscht.
Den 23. August war d’Raumsonde Chandrayaan-3, déi de 14. Juli vun der indescher Raumfaartagence ISRO gestart gouf, um Mound gelant. Bei dëser Geleeënheet huet d’ISRO eng animéiert Computersimulatioun vun der Moundlandung live iwwerdroen. Dës Biller goufe vun Internetnotzer weiderginn, déi och behaapt hunn, se wären e Beweis dofir, dass d’Moundlandung net stattfonnt hätt.
An enger Serie vu Bäiträg, déi zënter Enn August 2023 op Facebook gedeelt ginn, behaapten Internetnotzer, dass d’Ukrain op “illegaler Basis” “kreéiert” gouf an domat géint d’Verfassung vun der Unioun vun de Sozialistesche Sowjetrepublicken (UdSSR), déi kommunistesch Federatioun, déi 1922 gegrënnt an 1991 opgeléist gouf, verstouss hätt. Si argumentéieren, dass den Artikel 14 vun dësem Text all Republik, déi d’Unioun verléisst, verflicht, d’Unioun mat hiren “urspréngleche Grenzen” ze verloossen, a zéien doraus d’Konklusioun, dass d’Ukrain op dës Manéier d’Krim, Galizien an den Donbass rechtswiddreg annektéiert hätt.